Магілёў. Участак №122 - лоўкасць рук і ніякага фокусу

2010 2010-12-19T22:25:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Назіральнікі на выбарчым участку №122 у Магілёве сталі сведкамі, калі пасля падліку галасоў стос бюлетэняў за кандыдата ў Прэзідэнты Рэспублікі Беларусь Аляксандра Лукашэнкі немаверна павялічыўся ў некалькі разоў.

“Здалёк мы назіралі за тым, як сябры выбарчай камісіі здзяйсняюць падлік галасоў, - гаворыць назіральніца Яўгення Цюркіна, - яны раскладвалі бюлетэні па стосах, якія былі прыблізна аднолькавыя па сваёй вышыні і, магчыма, рэальна падлічвалі іх. Пасля гэтыя бюлетэні апусцілі на падлогу, бо пачалі іх пакаваць у спецыяльныя пакеты і ў выніку – з’явіўся адзін велізарны стос за кандыдата Лукашэнку, які налічваў больш за 1 800 бюлетэняў. Працэс з’яўлення вялікага стосу засланялі сваімі целамі сябры камісіі. Стосы за астатніх кандыдатаў сталі неімаверна маленькімі”.

Праваабаронца Аляксей Колчын адзначае, што прагрэса з падлікам галасоў на гэтых выбарах не назіраецца.

“Тэхналогія падліку галасоў так і засталася нязменнай. Выбары фальсіфікуюцца. І тое, што назіральнікам не даюць убачыць, за каго ў бюлетэні стаяць “галкі”, таксама сведчыць пра гэта, бо назіральнікі могуць выпадкова выкрыць механізм фальсіфікацыі і, будучы блізкімі да стала з бюлетэнямі, не даць скласці вось такога стосу за аднаго кандыдата. Пры дэмакратычных выбарах такога няма – працэс падліку галасоў адкрыты”, - гаворыць Аляксей Колчын.

“Праваабронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international