Бабруйск: “Хімікі” і хакеісты ўжо прагаласавалі

Бабруйскім праваабаронцам стала вядома, што зняволеныя, якія адбываюць пакаранне ў выпраўленчай установе №2, прагаласавалі датэрмінова. Іх, як і ў мінулыя выбарчыя кампаніі, сабралі ўсіх разам, завялі на выбарчы ўчастак №63, і там “хімікі” аддалі свае галасы.

Таксама не дачакаліся дня выбараў хакеісты і трэнерскі корпус зборнай Беларусі, якія прагаласавалі на адным з бабруйскіх выбарчых участкаў (у горадзе зараз праходзіць моладзевы чэмпіянат). Газета “Бабруйскае жыццё” тлумачыць такую паспешнасць тым, што ў дзень выбараў беларускія спартсмены будуць праводзіць апошні матч чэмпіяната. Але якім чынам людзі, якія не маюць бабруйскай прапіскі, прагаласавалі ў Бабруйску – застаецца ў сакрэце.

“Праваабаронцы за свабодныя выбары”