Магілёў: Назіральніцы вынесена папярэджанне

2010 2010-12-17T13:51:19+0200 1970-01-01T03:00:00+0300 be http://spring96.org/files/images/sources/naziralniki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Назіральніцы магілёўскага выбарчага ўчастка №122 Яўгеніі Цюркінай старшыня выбарчай камісіі Аляксандр Крамачоў вынес афіцыйнае папярэджанне.

“Мяне старшыня камісіі абвінаваціў у тым, што я падыходзіла да скрыні датэрміновага галасавання, датыкалася да яе рукамі, знаходзілася каля яе і стала выдачы бюлетэняў для галасавання, перашкаджала працы сябрам выбарчай камісіі, прасіла прозішчы сябраў камісіі, рабіла фотаздымкі, запісвала адрасы вуліц і дамоў выбаршчыкаў, што выклікала незадаволенасць выбаршчыкаў”, - гаворыць Яўгенія Цюркіна.

Жанчына адзначае, што пры сабе ў яе няма фотаапарата, і таму яна ніяк не магла фатаграфаваць прысутных.

“Я не размаўляла з выбарчшыкамі і нічога не рабіла з таго, у чым мяне абвінавацілі”, - гаворыць жанчына.

Праваабаронца Уладзімір Краўчанка адзначае, што пасля таго, як Яўгенія Цюркіна зафіксавала факт прымусовага галасавання пад канвоем “хімікаў” у суправаджэнні супрацоўнікаў міліцыі, старшыня выбарчай камісіі Аляксандр Крамачаў прыгразіў назіральніцы, што не дапусціць яе да працэсу назірання за выбарамі, і гэтым папярэджанне ужо пачынае рэалізоўваць сваю пагрозу.

Нагадаем, што да абеду 14 снежня супрацоўнікі міліцыі прыканваіравалі галасаваць 50 чалавек з выпраўленчай калоніі адкрытага тыпу, што знаходзіцца на тэрыторыі гэтага выбарчага ўчастка, пасля абеду – 45. У самім памяшканні выбарчай камісіі ім выдавалі пашпарты, каб яны здолелі атрымаць бюлетэні для галасавання, а пасля пашпарты зноў забіралі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international