Бялынічы: Агітаваць зараз можна не толькі ў Ліпавым гаі

2010 2010-11-22T19:16:29+0200 1970-01-01T03:00:00+0300 be http://spring96.org/files/images/sources/vyrvich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Незалежны журналіст Барыс Вырвіч

Незалежны журналіст Барыс Вырвіч

Бялыніцкі райвыканкам перагледзеў сваё папярэднее рашэнне “Аб стварэнню ўмоў для правядзення перадвыбарнай агітацыі кандыдатаў у прэзідэнты Рэспублікі Беларусь” у частцы вызначэння месцаў для правядзення ў апавяшчальным парадку масавых мерапрыемстваў (сходаў па-за памяшканнямі, мітынгаў, пікетавання), якія арганізуюцца кандыдатамі ў прэзідэнты Рэспублікі Беларусь і іх даверанымі асобамі. Пра гэта паведаміла сакратар Бялыніцкай раённай камісіі па выбарах прэзідэнта Рэспублікі Беларусь, начальнік арганізацыйна-кадравага аддзела райвыканкама Лідзія Шчацінка.

Па словах Лідзіі Шчацінкі, зараз у гарадскім пасёлку Бялынічы будзе дазволена ажыццяўляць масавыя мерапрыемствы па агітацыі за кандыдатаў у прэзідэнты амаль паўсюль. За аснову ўзята папярэдняе рашэнне райвыканкама, якое вызначала месцы, забароненыя для правядзення пікетавання пры зборы подпісаў за прэтэндэнтаў у кандыдаты ў прэзідэнты. Зараз прыхільнікам кандыдатаў у прэзідэнты Рэспублікі Беларусь дазволена праводзіць масавыя мерапрыемствы ў Бялынічах ва ўсіх месцах, акрамя тых, якія знаходзяцца на адлегласці менш за 50 метраў ад будынкаў і ўнутры будынкаў мясцовых выканаўчых і распарадчых органаў, суда, пракуратуры, ваеннага камісарыяту, органаў і падраздзяленняў па надзвычайным сітуацыям, тэрыторый арганізацый, забяспечваючых жыццядзейнасць насельніцтва, унутры памяшканняў аб’ектаў таргоўлі і бытавога абслугоўвання насельніцтва, устаноў культуры.

Лідзія Шчацінка таксама паведаміла, што дадаткі да папярэдняга рашэння райвыканкама “Аб стварэнні ўмоў для правядзення перадвыбарнай агітацыі кандыдатаў у прэзідэнты Рэспублікі Беларусь” с вызначэннем новых месцаў, дазволеных для правядзення ў паведамляльным парадку масавых мерапрыемстваў кандыдатамі ў прэзідэнты і іх даверанымі асобамі, будзе апублікаванае ў раённай газеце “Зара над Друццю” 24 лістапада.

Гаворыць назіральнік пры Бялыніцкай раённай камісіі па выбарах прэзідэнта Рэспублікі Беларусь Барыс Вырвіч:

- Калі я даведаўся пра тое, што, згодна папярэдняга рашэння Бялыніцкага райвыканкама, для правядзення масавых мерапрыемстваў кандыдатамі і іх даверанымі асобамі ў Бялынічах вызначана толькі пляцоўка перад сцэнай у Ліпавым гаі, то я адразу ж звярнуўся з адпаведнай вуснай скаргай у раённую камісію па выбарах прэзідэнта. Рашэнне было яўна дыскрымінацыйнае, яно значна абмяжоўвала магчымасці агітацыі за кандыдатаў у прэзідэнты. Ліпавы гай у Бялынічах – гэта месца на ўскрайку гарадскога пасёлка, дзе позняй восенню і зімой людзі амаль не ходзяць. Я прапанаваў пашырыць кола месцаў, дзе можна праводзіць масавыя мерапрыемствы ў падтрымку кандыдатаў, у прыватнасці, месцаў для пікетавання. Старшыня Бялыніцкай раённай камісіі па выбарах прэзідэнта Рэспублікі Беларусь, начальнік ідэалагічнага аддзела райвыканкама, Ірына Фурсава паабяцала давесці гэту прапанову да райвыканкама. Я задаволены, што Бялыніцкі райвыканкам прыняў узважанае рашэнне і значна палепшыў умовы для правядзення перадвыбарнай агітацыі прыхільнікам кандыдатаў у прэзідэнты Рэспублікі Беларусь.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international