Слонім: Невядомыя зрываюць інфармацыйныя матэрыялы Рымашэўскага

У Слоніме 25 лістапада ў кінатэатры “Мір” плануецца першая сустрэча з кандыдатам на пасаду прэзідэнта Рэспублікі Беларусь Віталём Рымашэўскім. Слонімскія сябры партыі “БХД” пачалі развешваць абвесткі ў дазволеных месцах, але незнаёмыя асобы адразу іх зрываюць. Вось што паведаміў пра гэта мясцовы актывіст БХД Іван Бедка: “Нядаўна павесілі абвестку аб тым, што адбудзецца сустрэча ў кінатэатры “Мір” з Віталём Рымашэўскім каля Слонімскага аўтарамонтнага завода, але праз некалькі хвілін яе сарвалі. У цэнтры горада таксама зрываюць улёткі Віталя Рымашэўскага. Мы ўжо вывешваем іх паўсюду, але следам іх зрываюць. Магчыма, у Слоніме ёсць спецыяльныя людзі, якія будуць гэтым займацца да самых выбараў”.

“Праваабаронцы за свабодныя выбары”