У Салігорску выбары "лібералізавалі" вулічны гандль

2010 2010-11-17T18:51:06+0200 1970-01-01T03:00:00+0300 be http://spring96.org/files/images/sources/saligorsk-gandl.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Яшчэ паўгады назад мясцовыя ўлады бадзёра рапартавалі аб поспехах на ніве барацьбы з несанкцыянаваным гандлем на так званых стыхійных базарах каля гарадскіх крамаў. Аднак старт выбарчай кампаніі ўнёс змены і ў гэтую сферу грамадскіх адносін.

Зацятая барацьба з незаконнымі гандлярамі, як называюць вулічных бабулек работнікі салігорскага РАУС, вядзецца ўжо не адзін год. Адмысловая заканадаўчая норма ўнесена ў Адміністрацыйны кодэкс, і тое, што закон скіраваны найперш супраць старэйшага пакалення, прадстаўнікі ўлады заяўлялі адкрытым тэкстам: "Штраф у 105 тысяч рублёў безумоўна паслужыць перасцерагаючым фактарам для незаконных гандляроў, большасць з якіх пенсіянеры." Як вядома, гэтая частка грамадства традыцыйна складае электаральны базіс дзеючага кіраўніка дзяржавы. Верагодна таму пачатак перадвыбарчай прэзідэнцкай гонкі адзначыўся кардынальнай зменай палітыкі з боку дзяржавы і ў гэтым пытанні. Цяпер "незаконныя гандляркі" адчуваюць сябе прывольна нават у цэнтры гораду ў непасрэднай блізкасці ад будынка райвыканкаму. У іх саміх не ўзнікае нават сумневаў у сувязі паміж гэткай "лібералізацыяй" і пачаткам выбарчых мерапрыемстваў: "Хай бы выбары Прэзідэнта праводзіліся штогод. Ніхто б нас тады не чапаў".

Мы спадзяемся, што з'яўленне дадзенай інфармацыі не стане нагодай для ўціску на вулічных гандлярак, а “лібералізацыя” ў адносінах да пенсіянераў, якія дзякуючы нялёгкай працы могуць крыху папоўніць свой бюджэт, не завершыцца адразу пасля дня выбараў. 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international