Гродзенскі раён: абсалютная “стэрыльнасць” участковых камісій

2010 2010-11-02T23:02:00+0200 1970-01-01T03:00:00+0300 be http://spring96.org/files/images/sources/uladzimir-khilmanovich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Хільмановіч

Уладзімір Хільмановіч

Фармаванне ўчастковых камісій па Гродзенскім раёне (усяго іх 40) на паседжанні райвыканкаму заняло толькі 7 хвілін. Па ўжо звыклай завядзёнцы спісы персанальнага складу не зачытваліся, а прапанаваныя кандыдатуры не абмяркоўваліся. Усяго ў раёне працаваць у камісіях гэтага ўзроўню будуць 25 прадстаўнікоў “Белай Русі”, 24 – БРСМ, 37 – Беларускага саюзу жанчын, 101 вылучэнец розных дзяржаўных прафсаюзаў, 4 чалавекі прапанаваныя працоўнымі калектывамі, а таксама 280 чалавек, вылучаных шляхам збору подпісаў і падавання адпаведных заяў. На паседжанні прысутнічалі назіральнікі Уладзімір Хільмановіч і Мікола Воран.

Пры фармаванні складу ўчастковых камісій прагучала, што 14 вылучэнцаў не патрапілі ў іх склад. Уладзімір Хільмановіч запытаўся, паводле якіх крытэраў іх не ўключылі ў склад камісій і папрасіў паказаць дакументы аб іх вылучэнні. Гэты запыт быў задаволены, праўда, спатрэбіўся некаторы час, бо начальнік аддзела арганізацыйна-кадравай работы Валерый Балашоў не адразу адшукаў патрэбныя паперы. Урэшце выявілася, што чамусьці асаблівая актыўнасць назіралася пры вылучэнні ў камісію Абухаўскага выбарчага ўчастку №24. Рэч у тым, што ў гэтую камісію зборам подпісаў падала заяву сябра Партыі БСДГ Галіна Дзербыш. Такая “самадзейнасць” відавочна не ўваходзіла ў планы раённай адміністрацыі. І хоць Галіна Дзербыш была зарэгістравана ў перадапошні дзень вылучэння пад нумарам 1, раптоўна знайшлося яшчэ шэраг прэтэндэнтаў патрапіць менавіта ў гэтую камісію. У выніку ажно 5 чалавек аказаліся лішнімі. У іх лік, канешне, патрапіла і Галіна Дзербыш. Такім чынам, ва ўсіх 40 ўчастковых камісіях Гродзенскага раёну будуць працаваць толькі “надзейныя кадры”. 

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international