Абласны суд абавязаў прыняць да разгляду скаргу на неўключэнне ў камісію

Жыхарка Бярозы Тамара Шчапёткіна атрымала адказ з Брэсцкага абласнога суда на сваю скаргу, у якой прасіла адмяніць рашэнне суда Бярозаўскага раёна аб адмове ва ўзбуджэнні грамадзянскай справы, датычнай неўключэння яе ў раённую выбарчую камісію.

Суд Бярозаўскага раёна ў сваёй адмове спасылаўся на тое, што Т. Шчапёткіна не мела права ад свайго імя пісаць скаргу на рашэнне Прэзідыума Бярозаўскага раённага Савета і Бярозаўскага райвыканкама.

Брэсцкі абласны суд абавязаў суд Бярозаўскага раёна прыняць да разгляду скаргу Шчапёткінай аб неўключэнні ў камісію.

“Праваабаронцы за свабодныя выбары”