У лютым і сакавіку Павел Севярынец адпачынку не атрымае

2006 2006-02-21T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

22 лютага Павал Севярынец, які адбывае пакараньне ў вёсцы Малое Сітна Полацкага раёну, працуючы на лесапавале, павінен быў атрымаць трохдзённы адпачынак. Адпачынак даецца на тое, каб памыцца ў хатніх умовах, памыць бруднае адзеньне і папоўніць харчовыя запасы.
20 лютага маці Севярынца, Тацяна Яўгенаўна, патэлефанавала начальніку Ветрынскай спэцкамэндатуры Ігару Адамуцю і даведалася, што хаця Павал і не парушаў працоўнай дысцыпліны і рэжыму пражываньня, у лютым і сакавіку ён адпачынку не атрымае.
Тацяна Яўгенаўна перакананая, што загад не выпускаць ейнага сына з месца пасяленьня паступіў з Менску і абумоўлены прэзыдэнцкай выбарчай кампаніяй,
паведаміла радыё Свабода.
Знаходзячыся ў досыць складаных умовах, Павал, хаця і адчувае падтрымку, але за апошні месяц ніхто з сяброў і знаёмцаў яго не наведваў. Паводле Паўла, ён атрымлівае шэраг незалежных выданьняў і збольшага абазнаны ў пэрыпэтыях выбарчай кампаніі. Асабліва турбуе лідэра "Маладога фронту" лёс ягоных паплечнікаў, што зазналі перасьлед з боку ўладаў: "Уважліва сачу за выбарчай кампаніяй, якая разгортваецца ў Беларусі, і хачу пажадаць усім, хто ўдзельнічае ў гэтай кампаніі, назірае за ёй — веры ў нашу перамогу. Гэта цяпер галоўнае, бо "паводле веры вашай будзе вам", як сказана ў Евангельлі. Вельмі занепакоены лёсам маладафронтаўцаў, якія цяпер апынуліся пад крымінальным перасьледам: Артура Фінькевіча, якога я добра ведаю, Зьмітра Касьпяровіча, з якім разам стваралі "Малады фронт", Пашы Красоўскага, які чакае суду па сваёй справе. Трымайцеся, хлопцы, мы пераможам!"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international