Новая крымінальная справа за каментары ў Інтэрнэце

2010 2010-07-05T11:03:42+0300 1970-01-01T03:00:00+0300 be http://spring96.org/files/images/sources/saitblok.jpg

У Вілейцы заведзена крымінальная справа па факце паклёпу ў каментарах на мясцовым сайце.

Незалежны сайт vialejka.org не працуе ад выходных. На яго галоўнай старонцы змешчаны такі допіс:

«На карыстальнікаў сайта заведзена крымінальная справа за паклёп і абразу. Другая справа знаходзіцца на этапе даследавання. Цяпер сіламі МУС вядзецца пошук адміністратараў сайта. Зусім хутка мы ізноў з’явімся ў сеціве! Сачыце за абнаўленнямі!»

У якасці сведкі ў міліцыю ўжо выклікалі аднаго з карыстальнікаў інтэрнэт-старонкі Міколу Суслу.

У яго на экспертызу забралі ўласны камп’ютэр, бо лічаць, што малады чалавек можа быць адміністратарам сайта. Мікола паведаміў, што заведзена крымінальная справа аб паклёпе на дырэктарку СШ №1 Вілейкі. Адзін з каментатараў малюнка, змешчанага на сайце, пакінуў допіс, у якім разгледзелі паклёп і абразу жанчыны.

Другая справа, па словах сп. Суслы, знаходзіцца на стадыі збору матэрыялу. Шукаюць аўтара аднаго з каментароў да артыкула аб смерці Анатоля Шагава, які ўзвёў паклёп на дырэктарку Вілейскай музычнай школы.

Нагадаем, што раней была заведзена крымінальная справа па факце паклёпу ў каментарах на сайце «Хартыя'97».

Пакуль пазнаёміцца з навінамі vialejka.org прапануецца на Twitter’ы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international