Віталя Каваленку аштрафавалі на 105 тысяч рублёў, як і брата-апазыцыянэра

2010 2010-06-11T11:23:29+0300 1970-01-01T03:00:00+0300 be http://spring96.org/files/images/sources/kavalienka_vital.jpg
фота svaboda.org

фота svaboda.org

Судзьдзя Першамайскага райсуду Віктар Калбун агучыў рашэньне, згодна зь якім Віталь Каваленка прызнаны вінаватым у дробным хуліганстве. Такое самае пакараньне прысуджана 7-га чэрвеня Сяргею Каваленку.

Абодва браты спрабавалі пераканаць суд, што 8 траўня, калі на іх склалі пратаколы за нецэнзурную лаянку, ніякага правапарушэньня зь іхнага боку не было. Супрацоўнікі міліцыі сустрэлі братоў у краме «Веста» № 145 і адразу загадалі ехаць у пастарунак.

Сьведка-гандлярка сказала ў судзе, што падзеяў таго дня ня памятае. А сьведкі-міліцыянты заявілі, што факт хуліганства быў.

На думку віцебскага актывіста Сяргея Каваленкі, які не аднойчы быў пакараны штрафамі і арыштамі за акцыі зь бел-чырвона-белымі сьцягамі, іх з братам затрымалі прэвэнтыўна: каб нацыянальныя сьцягі не залуналі ў Віцебску падчас сьвяткаваньняў Дня Перамогі. Ноч з 8-га на 9-га траўня братоў пратрымалі пад вартай у пастарунку, раніцай накіравалі ў ізалятар часовага ўтрыманьня, а 10-га ў абед адпусьцілі дахаты.

Суд над братамі Каваленкамі распачаўся 24-га траўня, а скончыўся толькі сёньня. Хлопцы лічаць, што судзьдзя не сьпяшаўся з рашэньнем і вынес адносна мяккі прысуд, бо ўжо не было патрэбы «ізаляваць» іх на «суткі».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international