Аўтуховіч будзе адбываць пакаранне ў Івацэвічах

2010 2010-05-27T16:53:00+0300 1970-01-01T03:00:00+0300 be http://spring96.org/files/images/sources/autuxovich-liavonau033006.jpg
Фота Юліі Дарашкевіч

Фота Юліі Дарашкевіч

Ваўкавыскі прадпрымальнік Мікалай Аўтуховіч павінен адбываць пакаранне ў папраўчай калоніі ў Івацэвічах (Брэсцкая вобласць), паведаміў юрыст і праваабаронца Алег Волчак.

Пра гэта стала вядома з афіцыйнага адказу на ліст маці Аўтуховіча, якая прасіла прызначыць яму адбыванне пакарання ў Ваўкавыску, дзе яна жыве. Паводле слоў Волчака, у любы час Аўтуховіч можа быць пераведзены ў Івацэвічы. «Прысуд набыў моц, і ён павінен адбыць па месцы пакарання», — сказаў ён. Пакуль жа асуджаны знаходзіцца ў следчым ізалятары ў Мінску.

«Яму неабходная дапамога зубапратэзнага доктара. Дамаўляемся з адной клінікай, каб ён прайшоў адпаведнае абследаванне. Спадзяемся, яму дазволяць пакуль заставацца ў Мінску», — адзначыў Волчак.

Асуджаны разам з Аўтуховічам Уладзімір Асіпенка пакуль таксама знаходзіцца ў Мінску. Паводле слоў Волчака, яму крыху змякчылі ўмовы зняволення і перавялі ў іншую камеру.

Праваабаронца мяркуе, што затрымка з адпраўкай Аўтуховіча і Асіпенкі па месцы адбывання пакарання можа быць звязана з магчымым прымяненнем да іх амністыі.

«Не выключана, што ўлады чакаюць, калі набудзе моц амністыя. Тады ў адносінах да Аўтуховіча і Асіпенкі можа быць прыменена больш мяккае пакаранне і не будзе сэнсу накіроўваць іх у турму», — кажа Волчак.

Нагадаем, 6 мая Вярхоўны суд Беларусі аб’явіў прыгаворы па так званай справе ваўкавыскіх прадпрымальнікаў. Аўтуховіч прызнаны вінаватым у перавозцы і захоўванні пяці патронаў да паляўнічай вінтоўкі і прыгавораны да пяці гадоў і двух месяцаў пазбаўлення волі з адбываннем пакарання ў калоніі строгага рэжыму. Асіпенку суд прызнаў вінаватым у захоўванні і перавозцы зброі і выбуховых рэчываў, ён прыгавораны да трох гадоў пазбаўлення волі з адбываннем пакарання ў калоніі агульнага рэжыму.

Асуджаныя сваёй віны не прызнаюць. Праваабаронцы расцэньваюць гэтую крымінальную справу палітычна матываванай.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international