Журналістку недзяржаўнай газэты не пусьцілі на сэсію гарсавету

2005 2005-12-20T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта паведаміла радыё Свабода. Карэспандэнтка "Віцебскага кур'еру" Тацяна Чабатарова зьвярталася па дазвол прысутнічаць на 13-й сэсіі гарсавету двойчы: да кіраўніцы аддзелу ідэалагічнай работы гарвыканкаму Натальлі Царовай і асабіста да старшыні гарсавету Генадзя Грыцкевіча.

Прадстаўніца гарвыканкаму заўважыла, што ў пераліку запрошаных ёсьць толькі тры дзяржаўныя віцебскія газэты, а старшыня гарсавету параіў "Віцебскаму кур'еру" пашукаць іншых тэмаў, завяршыўшы гаворку парадай "адпачнуць ад гэтай сэсіі".

Прайсьці ў залу пасяджэньняў "явачным парадкам" карэспандэнтцы Тацяне Чабатаровай таксама не ўдалося: на ўваходзе, разгледзеўшы рэдакцыйнае пасьведчаньне, яе спыніў ахоўнік.

З той жа самы прычыны на сэсію гарсавету ня здолеў трапіць і кіраўнік абласной арганізацыі Партыі БНФ Кастусь Смолікаў.

Старшыня гарсавету папярэдне адмовіў яму на той падставе, што ў залі пасяджэньняў не бывае вольных месцаў. Згоднага паслухаць стоячы Кастуся Смолікава далей ганку не прапусьціла ахова.

На сэсіі гарсавету, якая аказалася закрытай для прадстаўнікоў недзяржаўнага выданьня і палітычнае апазыцыі, гарвыканакам даваў справаздачу пра выкананьне паказьнікаў разьвіцьця за 2005-ы год, а таксама зацьвярджаўся гарадзкі бюджэт наступнага году.

Тое, што карэспандэнтку "Віцебскага кур'еру" на пасяджэньне не дапусьцілі, рэдакцыя расцэньвае як новую праяву ўціску незалежнага выданьня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international