Беллітфонд можа застацца без памяшканьня

2005 2005-12-06T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дырэктар Беллітфонду Вячаслаў Корбут паведаміў радыё Свабода, што ў тэрміновым парадку арганізацыя мусіць сплаціць запазыкі арэнднай платы за 2005 год, якія складаюць 17 мільёнаў рублёў.

Беларускі літаратурны фонд створаны разам з Саюзам беларускіх пісьменьнікаў, і ўсе ягоныя сябры аўтаматычна становяцца і сябрамі літфонду. Ён існуе на пісьменьніцкія складкі, а таксама прыбыткі ад выдавецкай дзейнасьці. Са сваіх сродкаў літфонд дапамагаў старым і хворым пісьменьнікам, аплачваў часткова іх адпачынак у дамах творчасьці, выдаткоўваў сродкі на пахаваньні сяброў Саюзу пісьменьнікаў.

Пасьля таго, як у 1997 годзе Дом літаратара быў гвалтоўна перададзены гаспадарчаму ўпраўленьню Кіраўніцтва справаў прэзыдэнта, Беллітфонду было выдзелена ў гэтым доме два пакойчыкі, за якія ўстаноўленая вялікая арэндная плата. Запазычанасьць па ёй за гэты год стала прычынай канфлікту літфонду з адміністрацыяй будынку, якая сёньня ўраньні апячатала пакоі літфонду. Але празь некалькі гадзін доступ на працоўныя месцы супрацоўнікам быў адчынены з умовай аплаты запазычанасьцяў цягам двух дзён. У выпадку невыкананьня гэтае ўмовы дырэктара Беллітфонду Вячаслава Корбута папярэдзілі аб скасаваньні дамовы на арэнду памяшканьняў у Доме літаратара.

На 9 сьнежня прызначаны агульны сход сяброў літфонду.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international