Еўрапейская асацыяцыя ўнівэрсітэтаў абараняе правы выключанай з БДЭУ Тацяны Хома

2005 2005-12-06T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Еўрапейская асацыяцыя ўнівэрсытэтаў прыпыніла сяброўства Беларускага дзяржаўнага эканамічнага ўнівэрсытэту (БДЭУ) у сваім складзе з-за выключэньня з унівэрсітэту Тацяны Хомы, студэнткі 4-га курса, за ўдзел у сустрэчы нацыянальных студэнцкіх зьвязаў Эўропы (ESIB) у Францыі, без дазволу ўнівэрсытэту.

25 лістапада, калі Тацяне Хома пагражала адлічэньне прэзыдэнт Асацыяцыі прафэсар Георг Вінклер накіраваў ліст рэктару БДЭУ прафэсару Шымаву. У гэтым лісьце прафэсар Вінклер выказаў стаўленьне да сытуацыі, спасылаючыся на фундамэнтальныя каштоўнасьці і прынцыпы Асацыяцыі. Гэтыя прынцыпы ўключаюць абавязак кожнага ўнівэрсытэту “гарантаваць студэнцкую свабоду”.

Нягледзячы на гэты ліст Тацяна Хома была выключаная 25 лістапада і адразу ж выселеная з інтэрнату, у якім яна жыла.

29 лістапада прафэсар Вінклер зноў напісаў прафэсару Шымаву, настойваючы на тым, што гэтае рашэньне павінна быць тэрмінова адмененае. Ліст утрымліваў папярэджаньне, што ў выпадку, калі рашэньне ня будзе скасаванае, Эўрапейская асацыяцыя ўнівэрсытэтаў будзе вымушаная прыпыніць супрацоўніцтва зь Беларускім дзяржаўным эканамічным унівэрсытэтам да таго часу, пакуль унівэрсытэт ня будзе здольны гарантаваць агульныя каштоўнасьці і прынцыпы эўрапейскіх унівэрсытэтаў.

Прафэсар Шымаў не адказаў на гэтыя лісты.

У выніку 2 сьнежня Эўрапейская асацыяцыя ўнівэрсытэтаў прыпыніла сяброўства Беларускага дзяржаўнага эканамічнага ўнівэрсытэту ў сваім складзе і заклікала ўсіх сваіх сяброў "падтрымаць кампанію нацыянальных студэнцкіх зьвязаў Эўропы (ESIB) па аднаўленьні Тацяны Хома ва ўнівэрсытэце і магчымасьці працягнуць заняткі".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international