У Сьвіслачы была затрыманая ведамая грамадзкая актывістка Ірына Лаўроўская

2005 2005-10-31T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

30 кастрычніка пад час традыцыйнага Дня памяці паўстанцаў 1863 году, які як заўсёды праходзіў ў Сьвіслацкім раёне, мясцовымі міліцыянтамі была затрымана Ірына Лаўроўская зь Берасьця. На яе быў складзены пратакол аб адміністрацыйным правапарушэньні паводле артыкулу 167 частка 2 – выкарыстаньне незарэгістраванай сымболікі.
На ўшанаваньне памяці палеглых за вольнасьць Бацькаўшчыны сабралася каля 80 чалавек з розных мясьцінаў краіны – Гародні, Барысава, Бабруйску, Слоніма, Мастоўскага раёну, Ваўкавыску, Зельвы, Берасьця, Менску. Удзельнікаў актыўна “пільнавалі” сьвіслацкія міліцыянты і людзі ў цывільным, якія прыехалі з Гародні. Пачалася імпрэза на Сьвіслацкіх могілках, дзе пахаваны Віктар Каліноўскі – ідэоляг паўстаньня і старэйшы брат Кастуся Каліноўскага. Пад час ўшанаваньня памяці паўстанцаў людзі трымалі бел-чырвона-белыя сьцягі. Арганізатары імкнуліся пазьбегнуць эксцэсаў, але калі калёна аўтамашын скіравалася ў Якушоўку (там быў родавы фальварак Каліноўскіх), міліцыянты затрымалі апошнію машыну, у якой ехалі берасьцейцы. Адна з удзельнікаў – Ірына Лаўроўская была прымусова завезена ў Сьвіслацкі РАУС. Праз паўтары гадзіны яна была выпушчана, пасьля чаго затрыманыя людзі далучылася да іншых удзельнікаў Дня памяці, якія вярнуліся ў Сьвіслач і чакалі берасьцейцаў.
Нагадаем, што летась чатыры ўдзельнікі Дня памяці паўстанцаў 1863 году былі пакараны вялізнымі штрафамі ад 40 да 70 базавых адзінак.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international