Алесь Зарэмбюк - супраць супрацоўнікаў памежнай і мытнай службы
Законнасць дзеянняў супрацоўнікаў памежнай і мытнай службы ў дачыненні да рэгіянальнага каардынатара руха “За свабоду” па Гарадзенскай вобласці Алеся Зарэмбюка разгледзіць вайсковая пракуратура.
Намеснік пракурора Гарадзенскай вобласьці Іосіф Леонка перанакіраваў скаргу Алеся Зарэмбюка на дзеянні супрацоўнікаў мытнай і памежнай службы ў вайсковую пракуратуру для разгляду па-сутнасьці: доўгі час дэмакратычны актывіст падзьвяргаецца безпадстаўнаму на яго погляд асабістаму дагляду на мяжы без тлумачэння прычынаў, у сувязі з чым і звярнуўся ў пракуратуру.
На працягу апошніх гадоў у дачыненні да Алеся Зарэмбюка, як і да іншых актывістаў гарадзенскай апазыцыі супрацоўнікі мытных і памежных службаў ажыццявілі дзесяткі асабістых даглядаў без тлумачэння прычынаў. Асаблівую актыўнасьць на мяжы памежнікі і мытнікі праяўляюць падчас правядзення ў краіне палітычных кампаній.
