У Віцебску з’явіцца лячэбна-працоўны прафілакторый

2009 2009-02-13T14:43:00+0200 1970-01-01T03:00:00+0300 be

Гэта – пятая падобная ўстанова ў Беларусі. Там змогуць змясціць каля тысячы хворых. За тры апошнія гады колькасць алкаголікаў у вобласці вырасла ў чатыры разы. Аднак ці вылекуюць іх у ЛПП? Паводле статыстыкі, здаровымі адтуль выходзіць у лепшым выпадку толькі кожны пяты пацыент.

У 2008 годзе ў прафілакторый трапілі 833 ураджэнцы Віцебшчыны, сярод якіх 220 жанчын. Калі параўнаць з паказчыкамі 2005 года (522 чалавекі, сярод якіх 45 жанчын), то можна заўважыць, як расце патрэба ў тым, каб пашыралася сетка такіх устаноў.

Эканамічная логіка тут відавочная: адкрыць ЛПП у Віцебску нашмат танней, чым перавозіць хворых на Гомельшчыну ці Магілёўшчыну.

Мужчынскае аддзяленне ЛПП вырашана адчыніць на вуліцы Гагарына, у былым будынку школы №13, якую летась расфармавалі нібыта з-за таго, што там было дужа мала вучняў. Бацькі і дзеці пратэставалі супраць закрыцця навучальнай установы, але іхныя меркаванні чыноўнікаў не пераканалі – напэўна, патрэба ва ўстанове для алкаголікаў пераважыла.

Пацыентамі такіх ЛПП становяцца тыя, хто цягам года здзейсніў не менш, як тры адміністратыўныя парушэнні ў стане ап`янення. Зборам матэрыялаў дзеля таго, каб адправіць хворага на лячэнне, звычайна займаецца участковы. Канчатковае рашэнне прымае суд.

Дзяржаўныя службоўцы цвердзяць: патэнцыйных пацыентаў ЛПП пабольшала нібыта з тае прычыны, што сталі лепей працаваць суды й міліцыя – маўляў, яны выяўляюць тых алкаголікаў, якія раней заставаліся незаўважанымі. Аднак пабытовыя назіранні сведчаць пра іншае: народ співаецца больш інтэнсіўна, асабліва на вёсцы.

У ЛПП за хворымі назіраюць нарколагі. Аднак, калі верыць дадзеным статыстыкі, толькі 15-20% пацыетаў вылечваюцца. Так што стварэнне новых ЛПП не ёсць сведчаннем таго, што грамадства неўзабаве можа стаць больш сацыяльна здаровым.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international