Суд шукае перакладчыка для былога кандыдата ў дэпутаты

2008 2008-11-18T09:44:15+0200 1970-01-01T03:00:00+0300 be

Суд, які меў месца адбыцца 17 лістапада, у  Цэнтральным раёне Гомеля на спагнаньне “выбарчых” грошай з былога кандыдата ў дэпутаты ад Аб’яднаных дэмсілаў Кастуся Жукоўскага перанесены на 20 лістапада.

Спадар Жукоўскі запатрабаваў, каб разьбіральніцтва вялося не на расейскай, а на яго роднай, беларускай мове:

“Я запатрабаваў перакладчыка, але перакладчыка з расейскай мовы на беларускую ў суда не знайшлося. Судзьдзя Андрэйчык цьвердзіла ўвёсь час: у нас жа двухмоўе! Я ёй адказаў на гэта: калі ў нас двухмоўе, то чаму вы не размаўляеце па-беларуску й не вядзеце па-беларуску сам працэс”.

Пасьля 15-хвіліннага перапынку судзьдзя Жана Андрэйчык вырашыла задаволіць патрабаваньне адказчыка й запрасіць на наступнае паседжаньне кваліфікаванага перакладчыка.

Прэтэнзіі да былога кандыдата ў дэпутаты Палаты прадстаўнікоў на вяртаньне 1 мільёна 748 тысяч рублёў прад’явіла акруговая камісія Буда-Кашалёўскай выбарчай акругі № 38. Згаданая сума была выдаткавана на выданьне перадвыбарчых ўлёткак кандыдата Жукоўскага. Але на пачатку датэрміновага галасаваньня ён зьняў сваю кандыдатару з выбараў з прычыны іх недэмакратычнасьці. Камісія ў адказ вырашыла праз суд вярнуць выдаткаваныя грошы.

Паколькі камісія даўно распушчана, то пазоўцам цяпер выступае фінаддзел Буда-Кашалёўскага райвыканкаму.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international