Гарадзенскі абласны суд адмовіў актывістам АГП у задавальнені скаргі на рашэнне суда

2005 2005-06-30T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Нагадаем, што 7 траўня з нагоды гадавіны знікненьня былога міністра ўнутраных справаў Беларусі Юрыя Захаранкі ў Горадні адбылася акцыя памяці, наладжаная грамадзкім рухам “Мы памятаем”. Мерапрыемства працягвалася гадзіну. Яго ўдзельнікі стаялі на вуліцы і трымалі фотаздымкі Юрыя Захаранкі. Пасля гэтага шасцёра чалавек з сямі былі затрыманы і дастаўлены ў аддзяленне міліцыі за ўдзел у несанкцыянаваным пікеце. 16 траўня ў Гародні ў Кастрычніцкім раённым судзе гэтых удзельнікаў ланцуга неабыякавых людзей прыцягнулі да адміністратыўнай адказнасці па ч.1 арт.167-1 КаАП РБ і пакаралі штрафамі: пяцёра аштрафаваны на 25 базавых адзінак, а Раман Юргель атрымаў штраф 160 базавых адзінак (гэта прыблізна 4 мільёны рублёў) за паўторнае затрыманне па арт.167-2.
Удзельнікі акцыі ня згодныя з вынесеным пакараннем, бо згодна арт.2 Закона Рэспублікі Беларусь ад 30 снежня 1997 году “Аб сходах, мітынгах, вулічных шэсцях, дэманстарцыях і пікетаваннях” пікетаванне – публічнае выказванне грамадзянінам ці групай грамадзянаў грамадска-палітычных, групавых, асабістых і іншых інтарэсаў ці пратэсту (бяз шэсця), у тым ліку шляхам галадоўкі, па якім-небудзь праблемам з выкарыстаннем ці без выкарыстання плакатаў, транспаратнаў і іншых сродкаў. Паколькі наяўнасць партрэта сведчыць толькі пра факт знікнення канкрэтнага чалавека і не з’яўляецца публічным выказваннем грамадска-палітычных інтарэсаў, а значыцца не з’яўляецца парушэннем закону Рэспублікі Беларусь. Падобныя да гэтай акцыі неаднаразова праходзілі ў многіх гарадах краіны, і ў выпадках затрымання праваахоўнымі органамі і адміністратыўным пакаранні Вярхоўны Суд Рэспублікі Беларусь скасоўваў мясцовыя судовыя рашэнні за адсутнасцю складу адміністратыўнага правапарушэння.
Удзельнікі ланцуга неабыякавых людзей звярнуліся ў Гарадзенскі абласны суд са скаргай на незаконную пастанову Кастрычніцкага раённага суду, але атрымалі адмоўны адказ: “Прызначанае вам пакаранне суадносіцца з характарам здзейсненага правапарушэння”.
Актывісты АГП будуць абскарджваць рашэнні гарадзенскіх судоў у Вярхоўным Судзе РБ.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international