Магілёў: Дык ці быў графік?

2008 2008-09-27T22:20:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Старшыня акруговай выбарчай камісіі №85 спадарыня Кліменкова ці старшыня акруговай выбарчай камісіі №60 спадар Папоў?

Такім пытаннем задаецца кандыдат у дэпутаты Аляксей Паўлоўскі. Ён мае два абсалютна розныя адказы ад старшыні акруговай выбарчай камісіі №85 па Магілёўскай-Цэнтральнай акрузе і ад старшыні ўчастковай выбарчай камісіі №60 гэтай жа акругі.

Справа ў тым, што пры наведванні навучальных установаў і прадпрыемстваў Ленінскага раёна г.Магілёва спадар Паўлоўскі спрабаваў падаць заяўкі іх кіраўнікам з просьбай прадаставіць яму памяшканні для сустрэч з выбаршчыкамі, то бок працоўнымі калектывамі гэтых установаў. На гэта адміністрацыі гэтых установаў і прадпрыемстваў адказвалі, што ў іх ужо адбыліся сустрэчы з кандыдатамі ў дэпутаты спадарамі Юшкевічам і Лекніным. Пра гэтыя сустрэчы і графікі гэтых сустрэч установы і прадпрыемствы загадзя прадастаўлялі звесткі ў акруговую выбарчаю камісію і адміністрацыю райвыканкама і гарвыканкама.

Аляксей Паўлоўскі запатрабаваў у акруговай выбарчай камісіі прадаставіць графік гэтых інфармацыйных мерапрыемстваў на тэрыторыі Магілёўскай-Цэнтральнай акругі №85, каб на роўных умовах весці агітацыю з праўладнымі кандыдатамі. Але ён атрымаў пісьмовы адказ ад камісіі, дзе старшыня спадарыня Кліменкова адзначае, што ніякім графікам аб правядзенні інфармацыйных дзён ва ўстановах Ленінскага раёна г.Магілёва камісія не валодае.

Усё б нічога, але 24 верасня на сустрэчы з выбаршчыкамі ў памяшканні Магілёўскага дзяржаўнага ўніверсітэта імя А.Куляшова спадар Паўлоўскі вёў дыктафонны запіс, пра які ведалі прысутныя. Арганізатарам сустрэчы з выбаршчыкамі выступіў Уладзімір Папоў, які з’яўляецца старшынёй участковай выбарчай камісіі №60, якая размешчана ў сценах універсітэта.

На пытанне Паўлоўскага да спадара Папова, чаму яму не прадастаўляюцца памяшканні для сустрэч з выбаршчыкамі ў розных установах, а іншыя кандыдаты ў дэпутаты праводзяць такія сустрэчы, спадар Папоў адказаў, што яны адбываюцца поводле загадзя складзенага графіка.

Праваабаронца Барыс Бухель лічыць, што такі графік-план існуе, бо яму давялося выпадкова сфатаграфаваць план па ідэалагічным забеспячэнні падрыхтоўкі і правядзення выбараў дэпутатаў Палаты прадстаўнікоў КУП “ЖРЭУ Кастрычніцкага раёна г.Магілёва”, у якім пункт 13 мае наступную фармулёўку “Правесці агітацыйную работу па азнаямленні з праграмай дзейнасці зарэгістраваных кандыдатаў у дэпутаты”. Менавіта адпаведана гэтаму пункту ў плане адбываліся сустрэчы праўладных кандыдатаў у дэпутаты з працоўнымі калектывамі розных дзяржаўных установаў і прадпрыемстваў горада.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international