Гародня: прадстаўнікам БХК даюць адпіскі і прапаноўваюць азнаёміцца з вынікамі выбараў толькі 29 верасня

2008 2008-09-25T16:50:01+0300 1970-01-01T03:00:00+0300 be http://spring96.org/files/images/sources/adkaz-voranu1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведаміў прадстаўнік РПГА “Беларускі Хельсінскі Камітэт” па Гродзенскай вобласці Раман Юргель, сябры БХК накіравалі ў акруговыя камісіі афіцыйныя запыты з просьбай прысутнічаць на паседжаннях акруговых камісій, дзе яны зарэгістраваныя назіральнікамі і забяспечыць магчымасць азнаямлення з вынікамі выбараў у пратаколах участковых выбарчых камісій увечары 28 верасня.

 

Старшыня акруговай выбарчай камісіі Гарадзенскай–Занёманскай выбарчай акругі №49 Уладзімір Хлябіч, дырэктар кінатэатру “Кастрычнік”, даў адказ Раману Юргелю і Іосіфу Нячаю, у якім нічога не сказана па сутнасці звароту – фактычна адпіску. Такія ж адказы атрымалі Раман Юргель і Святлана Рудкоўская з акруговай камісіі Гарадзенскай-Цэнтральнай акругі №50 за подпісам сакратара камісіі Алы Куляшэвіч. А старшыня акруговай выбарчай камісіі па Гарадзенскай сельскай выбарчай акрузе №52 Святлана Дабрыян адказала на аналагічны запыт сябрам БХК Міколу Ворану і Міхаілу Горбачу афіцыйнымі лістамі, у якіх ім прапануецца азнаёміцца з вынікамі выбараў на паседжанні акруговай камісіі, якое адбудзецца 29 верасня.

 

У сувязі з такімі адказамі назіральнікі ад БХК накіравалі адпаведныя заявы ў Цэнтрвыбаркам, у якіх настойваюць на просьбе дазволіць прысутнічаць на паседжаннях акруговых камісіяў менавіта 28 верасня пасля падліку галасоў.

 

“Правабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international