Новыя затрыманьні ў Менску

У Менску, прыкладна  ў 13 гадзін затрыманыя актывісты 'Маладых дэмакратаў' Раман Багдановіч і Аляксандр Сцепаненка. Яны раздавалі мінакам газету 'Глыток паветра' і 'Народную волю'. Як паведаміў іх калега Віталь Стажараў, актывісты дастаўленыя ў аддзел па ахове метрапалітэна на станцыі метро 'Плошча Я. Коласа'. Затрымаў моладзь супрацоўнік міліцыі Мікалай Мудры.

Па словах Віталя Стажарава, міліцыянер не змог сфармуляваць прычыну затрыманьня. 'Газеты раздаваць забаронена', - толькі і сказаў супрацоўнік праваахоўных органаў. Хоць, як адзначыў моладзевы актывіст, у газетах указаныя выходныя дадзеныя і тыраж.

Пазней у аддзел прыбыў намеснік начальніка міліцыі грамадзянскай бяспекі і заявіў, што Багдановіч і Сцепаненка затрыманыя для высвятленьня асобы.