Менск: Дзе галасуе прэзідэнт, студэнтаў быць не павінна

2008 2008-09-24T18:03:25+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Студэнтам Беларускага дзяржаўнага ўніверсітэта фізічнай культуры, якія пражываюць у інтэрнаце, кіраўніцтва ВНУ рэкамендуе прагаласаваць датэрмінова, а на выходныя з'ехаць дахаты.

Справа ў тым, што на выбарчым участку № 449 Цэнтральнага раёна (Старавіленская акруга № 105), які размешчаны ў будынку БДУФК, 28 верасня будзе галасаваць кіраўнік дзяржавы Аляксандр Лукашэнка. Інтэрнат універсітэта размяшчаецца побач з навучальным корпусам. Таму і будынак БДУФК, і інтэрнат у нядзелю будуць дасканала "прачэсваць" службы бяспекі.

Зрэшты, студэнтаў не запалохваюць і сілай на ўчастак не цягнуць. Іх толькі просяць прагаласаваць датэрмінова, а тых, хто застаецца ў інтэрнаце на выходныя, заносяць у адмысловы спіс.

На прэзідэнцкіх выбарах 19 сакавіка 2006 года Аляксандр Лукашэнка галасаваў на выбарчым участку № 1 Цэнтральнага раёна г. Менска, які таксама быў размешчаны ў Беларускім дзяржаўным універсітэце фізкультуры.

"Праваабаронцы за свабодныя выбары"

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international