“Рэкорды” Гарадзеншчыны: з 13 акругаў 6 -- безальтэрнатыўныя

Пасля таго, як намеснік старшыні Гарадзенскай абласной арганізацыі Партыі БНФ Станіслаў Суднік заявіў аб зняцці сваёй кандыдатуры (балатаваўся па Лідскай выбарчай акрузе №54), колькасць безальтэрнатыўных акругаў павялічылася.

З моманту рэгістрацыі кандыдатаў на Гарадзеншчыне безальтэрнатыўных акругаў было пяць, зараз стала – шэсць. Такім чынам, ужо зараз можна віншаваць з безальтэрнатыўнай “перамогай” кандыдатаў Гарадзеншчыны:

старшыню Зельвенскага райвыканкаму Леаніда Эльяшэвіча (Ваўкавыская выбарчая акруга №48)

начальніка ўпраўлення эканомікі Лідскага райвыканкаму Тамару Клебан (Лідская выбарчая акруга №54)

першага намесніка старшыні Гарадзнская аблвыканкаму Васіля Сцяпуру (Мастоўская выбарчая акруга №56)

дырэктара РСУП «Племзавод Карэлічы» Філіпа Богуша (Наваградская выбарчая акруга №57)

дэпутата Палаты прадстаўнікоў Таццяну Голубеву (Смаргонская выбарчая акруга №59)

намесніка старшыні Гарадзенскага аблвыканкаму Марыю Бірукову (Шчучынская выбарчая акруга №60).

Гарадзеншчына з’яўляецца своеасаблівым “рэкардсменам” па акругах, дзе выбары пройдуць без выбару. Па ўсёй краіне безальтэрнатыўных акругаў на сённяшні дзень – 14, што складае 15 % ад іх агульнай колькасці.

“Праваабаронцы за cвабодныя выбары”