Віцебск: Для рэгістрацыі кандыдатаў ад улады ствараліся адмысловыя ўмовы

2008 2008-08-29T13:23:12+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Па ўсім відаць, акруговым камісіям у Віцебску паступіла каманда: кандыдатаў ад улады разглядаць у адсутнасць назіральнікаў і журналістаў.     

Паседжанне акруговай выбарчай камісіі Віцебскай-Горкаўскай выбарчай акругі №17 пачалося на паўгадзіны раней прызначанага тэрміна. Камісію збіралі ў аўральным парадку. Прыйшлі толькі дзевяць чалавек з 13-ці. Затое на паседжанні прысутнічаў прадстаўнік адміністрацыі Першамайскага раёна (начальнік аддзела Шлюпакоў), які неаднаразова ўмешваўся і даваў указанні намесніку старшыні акруговай камісіі, якая вялай паседжанне (старшыні на дадзеным паседжанні не было).

Паседжанне праводзілася без зарэгістраваных у камісіі назіральнікаў і журналістаў. Прысутнасць журналіста Шчукіна на дадзеным паседжанні - выпадковасць (прыбыў за гадзіну да абвешчанага часу).

На аўральна распачатым паседжанні разглядалі пытанне рэгістрацыі кандыдатам у дэпутаты старшыні Віцебскага гарадскога Савета Генадзя Грыцкевіча. Акруговая камісія выявіла ўсяго тры недакладных подпісы (1,5 адсотка) з прадстаўленых 1288. Абвешчана было таксама, што пратаколы вылучэння Грыцкевіча кандыдатам у дэпутаты аформленыя правільна. Якія менавіта калектывы вылучалі старшыню гарсавета, на паседжанні камісіі так і не прагучала.

Рэгістрацыю астатніх прэтэндэнтаў камісія разглядала ў абвешчаны напярэдадні час (пасля 45-хвіліннага перапынку). Колькасць прысутных сяброў камісіі за гэты перыяд павялічылася да 11 чалавек.

 

"Таемную" рэгістрацыю кандыдатаў ад улады праводзілі і іншыя камісіі. У прыватнасці, камісія па Віцебскай-Чкалаўскай выбарчай акрузе №18. Раней абвешчанага часу паседжання, у адсутнасць назіральнікаў і журналістаў, быў зарэгістраваны кандыдатам у дэпутаты Віктар Аўчыннікаў – галоўны доктар абласной бальніцы.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international