Магілёў: прэзентаваныя вынікі маніторынга СМІ па выбарчай тэматыцы

2008 2008-08-11T23:41:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Магілёве на сустрэчы з журналістамі былі прадстаўлены вынікі маніторынга СМІ падчас выбарчай кампаніі, якое здзяйсняе ГА “Беларуская асацыяцыя журналістаў”. Маніторынг праводзіцца адносна 19 дзяржаўных і недзяржаўных сродкаў масавай інфармацыі, сярод якіх прадстаўлены як газеты і інтэрнэт-сайты, так і каналы тэлебачання і радыё.

Дакладчыкам выступіла Яніна Мельнікава. Яна адзначыла, што сярод незалежных сродкаў масавай інфармацыі назіраецца тэндэнцыя ў лепшы бок па асвятленні падзеяў, звязаных з ходам выбарчай кампаніі. Так, напрыклад, незалежныя СМІ, у адрозненні ад дзяржаўных, не займаюцца прапагандай, а падаюць інфармацыю аб’ектыўна, даючы магчымасць выказацца і іншаму боку, чаго нельга сказаць пра дзяржаўныя.

“Паслухаўшы дзяржаўныя СМІ, можна прыйсці да высновы, што выбарчай кампаніі ў Беларусі няма, - гаворыць Яніна Мельнікава, - тэмам “Спорт” і “Надвор’е” удзяляецца значна больш увагі. Рэгіянальная прэса пра выбары таксама амаль нічога не ўзгадвае – абмяжоўваецца толькі рашэннямі Цэнтрвыбаркама. Што да іншых суб’ектаў, то на другім месцы па колькасці эфірнага часу былі назіральнікі ад СНД і заходнія назіральнікі. Час і месца, адведзеныя ім, былі, аднак, мінімальныя. Так, праграма “Наши новости” (ОНТ) прысвяціла ЦВК 3 хвіліны 9 сек., назіральнікам ад СНД – 42 сек., а заходнім назіральнікам – 7 сек. Праграма “Радыёфакт” (Першы нацыянальны канал беларускага радыё) адвяла ЦВК прыкладна ў тры разы больш часу, але зноў жа на другім месцы былі назіральнікі ад СНД (4 хв. 20 сек.), а на трэцім – заходнія назіральнікі (2 хв. 33 сек.) Пры гэтым назіральнікі ад СНД рэпрэзентаваліся як пазітыўна і нейтральна, а заходнія назіральнікі – адмоўна і нейтральна. Дзяржаўныя СМІ не ўзгадвалі асобна ніякіх іншых палітычных партый, а ўжывалі дэперсінізаваную форму – “апазіцыя””.

“Так, напрыклад, газета “Рэспубліка” прысвяціла дзейнасці ЦВК 425 см кв. месца, назіральнікам з СНД – 24 см.кв. Газета “Советская Белоруссия” выбарчай тэматыцы адвяла яшчэ менш месца – 290 см. кв. і нічога не напісала пра назіральнікаў, - працягвае Яніна, - Апазіцыі яна прысвяціла 42 см.кв. і выкарыстала гэтую плошчу, каб паліць яе брудам. Незалежная газета “Белорусы и рынок” прысвяцілі ў 10 разоў больш выбарчай тэматыцы месца, чым “СБ”, пры гэтым пра ўсіх суб’ектаў яна пісала ў нейтральным тоне і пазітыўна – як пра дзейнасць ЦВК, так і пра дзейнасць апазіцыі”.

Трэба адзначыць, што гэта ўжо не першы маніторынг за СМІ падчас выбараў, які праводзіць ГА “БАЖ”. У якасці методыкі яна ўзяла методыку, якую распрацавалі ў Славакіі ў 1994 годдзе, калі ў гэтай краіны былі праблемы з дэмакратыяй і апазіцыя такім чынам сачыла за тагачасным аўтарытарным рэжымам.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international