Жлобін і Светлагорск: збор подпісаў пакуль ідзе без праблемаў

2008 2008-08-07T08:47:04+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прайшла палова тэрміну, які адведзены на збор подпісаў за вылучэнне кандыдатаў у дэпутаты Палаты прадстаўнікоў. Для таго, каб стаць кандыдатам, неабходна сабраць не меней 1000 подпісаў выбаршчыкаў, якія жывуць у дадзенай выбарчай акрузе.

 

У Жлобінскай акрузе № 42 ўжо каля 700 выбаршчыкаў падпісаліся за вылучэнне кандыдатам у дэпутаты Валерыя Рыбчанкі, сябра Партыі камуністаў Беларускай. Тут збіраюць таксама подпісы за вылучэнне Уладзіміра Патана. Ён – начальнік рамонтнага цэху Беларускага металургічнага заводу, буйнейшага прадпрыемства Жлобіна, і яго лічаць вылучэнцам “ад улады”. “Кажуць, што зарэгістравана яшчэ адна ініцыятыўная група – за вылучэнне кагосці з работнікаў фабрыкі штучнага футра, але мы такую групу ні разу не бачылі, і ці дзейнічае яна, нам невядома – гаворыць В. Рыбчанка. – Што тычыцца цяперашняга дэпутата ад Жлобінскай акругі – Ніны Кабернік, намесніка дырэктара Беларускага металургічнага заводу – то збор подпісаў за яе не вядзецца”.

Прыкладна 700 подпісаў сабрана ўжо і ў Светлагорскай акрузе № 48 за Сяргея Дайнеку, які таксама прадстаўляе ПКБ. “Акрамя пакватэрнага абыходу жыхароў, мы рабілі збор подпісаў і на мясцовым рынку. Выбаршчыкі падпісваюцца актыўна. А на рынку асаблівую актыўнасць праявілі прадпрымальнікі” – гаворыць Святлана Міхальчанка, якая ўваходзіць у групу па збору подпісаў за вылучэнне С. Дайнекі. “Афіцыйным” вылучэнцам, за якога таксама збіраюць подпісы, у Светлагорскай акрузе з’яўляецца Валянціна Кавалёва – яна зноў вылучаецца ў Палату прадстаўнікоў.

Пакуль відавочных парушэнняў заканадаўства падчас збору подпісаў сябрамі ініцыятыўных груп за вылучэнне В.Рыбчанкі і С.Дайнекі не зафіксавана.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international