Магілёў: Праваабаронца быў вымушаны тлумачыць членам акруговай камісіі “літару закону”

2008 2008-07-24T08:21:50+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Незалежнаму кандыдату ў дэпутаты Наталлі Зайцавай адмовіліся прадастаўляць інфармацыю аб іньшых зарэгістраваных кандыдатах у дэпутаты. “У сваю акруговую выбарчую камісію №86 я хадзіла неаднаразва – падавала дакументы на рэгістрацыю ініцыятыўнай групы і забірала пасведчаньні аб рэгістрацыі сваёй ініцыятыўнай групы  і кожны раз пыталася, хто яшчэ акрамя мяне зарэгістраваны кандыдатам у дэпутаты”,  – гаворыць Наталля Зайцава.

“Мой рэгістрацыйны нумар ініцыятыўнай групы – тры і я ведаю, - адзначае кандыдат у дэпутаты, -  што акрамя мяне ўжо існуюць іньшыя ініцыятыўныя групы. У камісіі мне неаднарозава казалі, што прыйдзе час, і я пра ўсё дазнаюся і адмаўляліся даваць звесткі аб ужо зарэгістраваных ініцыятыўных групах”. 

Сітуацыя зьмянілася пасьля таго, як магілёўскі праваабаронца Барыс Бухель быў вымушаны патлумачыць асновы беларускага заканадаўства членам гэтай камісіі.

“Пасля гэтага, - гаворыць Барыс Бухель, - члены камісіі прадаставілі ўсю інфармацыю, адпаведна якой акрамя ініцыятыўнай групы Наталлі Зайцавай зарэгістраваны ініцыятыўныя групы юрыст-консульта Свабоднага прафсаюза Беларускага Сяргея Фаміна і супрацоўніка Магілёўскага тэлебачання Юрыя Пракапенкі”.

Акрамя гэтага Наталля Зайцава адзначае, што ёй выдалі ўсяго 10 падпісных лістоў для збору подпісаў.

“Такой колькасьці падпісных лістоў вельмі мала, - адзначае спадарыня Зайцава, - і мне прыдзецца за ўласныя сродкі памнажаць іх, хаця тыя людзі, якія займаюцца арганізацыяй выбараў павінны былі гэта ўлічыць”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international