Горкі: Рашэньне аб вылучэньні кандыдата прымалі староньнія людзі

2008 2008-07-23T11:43:04+0300 1970-01-01T03:00:00+0300 be http://spring96.org/files/images/sources/kabinet.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

22 ліпеня ў Доме культуры вёскі Аўсянка адбыўся збор па вылучэньні на другі тэрмін дзеючага дэпутата ППНС Тацяны Асмалоўскай. Фармальна вылучэньне адбывалася ад працоўнага калектыва СВК "Аўсянка". Фактычна ж у зале прысутнічалі і галасавалі працаўнікі не толькі сельгаспрадпрыемстваў, але і школы, лякарні і г.д., што ня мелі да працоўнага калектыва "Аўсянкі" ніякага стаўленьня. Тым не меньш, рашэньне аб вылучэньні прынята.

 

Ініцыятыўная група Андрэя Юркова, які таксама балатуецца па Гарэцкай выбарчай акрузе №81, атрымала 22 ліпеня пасведчаньні зборшчыкаў подпісаў. У гэты ж дзень збор подпісаў пачаўся ва ўсіх мікрараёнах г. Горкі. Нягледзячы на тое, што сьпіс ініцыятыўнай групы быў пададзены ў камісію яшчэ ў чацьвер, 17 ліпеня, пры рэгістрацыі ёй прысвоены нумар 2. Пад нумарам 1 зарэгістраваная група Тацяны Асмалоўскай, якая падала заяву ў дзень рэгістрацыі, 21 ліпеня.

 

Горацкая акруговая выбарчая камісія № 81 па-ранейшаму ня мае свайго памяшканьня. Адказны сакратар Наталля Якубоўская працуе ў малой зале паседжаньняў райвыканкама, перыядычна вызваляючы яго для мерапрыемстваў, што праводзіць "вертыкаль". За час, які прайшоў пасьля стварэньня камісіі, назіральнік і актывісты ні разу не змаглі сустрэцца там з Людмілай Прилуцкай, старшынёй Паршынскага сельскага Савета. Фактычна ўвесь гэты час кіруе камісіяй начальнік аддзела райвыканкама Кацярына Кароткіна.

На фота: Так выглядалі 22 ліпеня кабінет №1 Гарэцкага райвыканкама, дзе, паводле вывешанай на ўваходзе інфармацыі, размяшчаецца Горацкая акруговая камісія і інфармацыйны стэнд камісіі, усталяваны ў фае райвыканкама.

 
“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international