Алесь Чыгір: “Білі прафэсійна. Расьцягвалі шыю. Рабілі “ластаўку”

2008 2008-05-30T15:48:14+0300 1970-01-01T03:00:00+0300 be

Сёньня а 12 гадзіне пачаўся суд над Алесем Чыгіром. Чыгір вызвалены з-пад варты. Судзьдзя Натальля Чарапуха накіравала справу на далейшае дасьледаваньне.

Натальля Чарапуха судзіла палітыка 1 верасьня 2006 году, калі ён прыкуў сябе да агароджы перад будынкам Бабруйскага гарвыканкаму на знак пратэсту супраць свайго звальненьня са школы. Карэспандэнту “Свабоды” ўдалося пагутарыць па тэлефоне з Алесем Чыгіром. Яго затрымалі сёньня ноччу й вінавацяць у дробным хуліганстве ды непадпарадкаваньні міліцыі. 

Алесь Чыгір заяўляе, што ў пастарунку яго зьбілі міліцыянты: “У мяне баліць рука, перадплечча, нага. Білі прафэсійна. Расьцягвалі шыю. Мне рабілі “ластаўку". Падымалі за валасы. Я валяўся на падлозе. На мяне ставілі ногі. Гэтым гвалтам кіраваў маёр Тоўсьцік, а дапамагаў яму старшына Пашолкін. Яны казалі, што зараз адсячом табе пальцы. Мяне вазілі ў траўмапунт, аднак лекары й міліцыянты заадно. Сьледчы выпісаў мне накіраваньне на пабоі”. 

Маёр Тоўсьцік удзельнічаў у нападзе на бабруйскі грамадзкі цэнтар 5 сакавіка. 
Данута Чыгір не выключае, што ейнага мужа зьняволілі прэвэнтыўна: на час, пакуль у Бабруйску будзе знаходзіцца Аляксандар Лукашэнка. Лукашэнка мае прысутнічаць заўтра на адкрыцьці лядовага палацу. 

Нагадаем, што Алеся Чыгіра затрымалі каля поўначы супрацоўнікі аддзелу міліцыі бабруйскага гарвыканкаму. Паводле спадарыні Чыгір, мужа падчас затрыманьня моцна зьбілі. Праз вакно яна бачыла, як Алесь ляжаў у аддзеле міліцыі на падлозе непрытомны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international