Карэн Сцюарт пакідае Мінск

2008 2008-03-12T11:47:20+0200 1970-01-01T03:00:00+0300 be http://spring96.org/files/images/sources/stiuart1.jpg

Амбсадарка ЗША ў Беларусі Карэн Сцюарт з’язджае ў Вашынгтон для кансультацый. Такое рашэнне было прынятае па выніках яе ўчорашняй тэлефоннай размовы з Дзярждэпартаментам ЗША. Карэн Сцюарт спадзяецца, што кансультацыі будуць нядоўгімі, магчыма 2-3 тыдні.

Сёння падчас сустрэчы кіраўнічкі амерыканскай дыпмісіі з прадстаўнікамі дэмакратычнай супольнасці Беларусі, яна паведаміла, што адной з прычынай яе ад’езду сталі настойлівыя рэкамендацыі беларускага МЗС выехаць на кансультацыі ў Вашынгтон.

Як паведаміў Рацыі адзін з удзельнікаў сустрэчы Аляксей Шэін, Карэн Сцюарт падкрэсліла, што статус Надзвычайнага і Паўнамоцнага амбасадара ЗША ў Беларусі застаецца нязменным. Падчас свайго знаходжання ў Вашынгтоне яна працягне шчыльна займацца беларускімі справамі, а ў Мінску ў амбасадзе застаюцца супрацоўнікі, якія і надалей будуць працягваць працу.

Карэн Сцюарт зазначыла, што вызваленне палітычных вязняў у Беларусі не ёсць яе ўмовай вяртання ў Мінск, але ёсць галоўнай умовай працягу палітычнага дыялогу паміж афіцыйным Мінскам і Вашынгтонам.

Нагадаем, што 7 сакавіка Беларусь адклікала свайго амбасадара ў ЗША Міхаіла Хвастова і адначасова “ўрад Беларусі настойліва прапаноўваў амбасадару Злучаных Штатаў Амерыкі ў Мінску Карэн Сцюарт пакінуць нашу краіну з той жа мэтай”. Але нягледзячы на "настойлівую рэкамендацыю" беларускіх уладаў пакінуць краіну, амбасадрка ЗША Карэн Сцюарт застанецца ў Мінску, паведаміў намеснік прэс-сакратара Дзярждэпартамента ЗША Том Кейсі 7 сакавіка на брыфінгу ў Вашынгтоне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international