За заробак трэба змагацца згуртавана

2008 2008-03-03T12:58:24+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Усе ведаюць, пра нізкія заробкі на прадпрыемстве “Трансоэкспрэс”, але ніхто не дапамагае зьмяніць сітуацыю. Работніцы вырашылі змагацца самі за сябе.
Не так даўно адбылася сустрэча берасьцейскіх і бярозаўскіх праваабаронцаў з работніцамі прыватнага прадпрыемства па пераапрацоўцы крэветак “Трансоэкспрэс”.

Работніцы, жабрацкія заробкі якіх ў 2,5 разы ніжэйшыя за сярэднія заробкі ў раёне і не дасягаюць нават пражытачнага мінімуму, даведзеныя да адчаю. Яны папрасілі праваабаронцаў, каб тыя дапамаглі юрыдычна правільна падрыхтавацца да забастоўкі. Таму што ў іх даўно выпрацаваы увесь рэсурс звяртаньня за дапамогай да дзяржаўных структур.

Юрыст-праваабаронца сп. Уладзімер Малей пазнаёміў жанчын са складанымі ўмовамі падрыхтоўкі да забастоўкі. Прама на сустрэчы была арганізаваная прафсаюзная група Бярозы беларускага прафсаюза радыёэлектроннай прамысловасьці, якой у вобласьці кіруе спн. Зінаіда Міхнюк. Менавіта спн. Міхнюк, якая таксама была на сустрэчы, давяла да жанчын, што для абароны сваіх правоў трэба згуртавацца ў прафсаюз, каб мець магчымасьць атрымліваць прафесійную дапамогу ў дамаганьні лепшага заробку і ўмоваў працы.

Тамара Шчапёткіна, Бяроза-Картузская Берасьцейскай вобл.


Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international