Вольга Завадзкая накіравала скаргу на адмову ва ўзбуджэньні вытворчасьці па наноў адкрыўшыхся абставінах па справе зьнікненьня яе сына Дзьмітрыя Завадзкага

2004 2004-12-10T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

10 сьнежня маці зьніклага ў ліпені 2000 году журналіста Дзьмітрыя Завадзкага накіравала скаргу Генеральнаму пракурору П. Міклашэвічу на адмову Рэспубліканскай пракуратуры ва ўзбуджэньні вытворчасьці па наноў адкрыўшыхся абставінах па справе зьнікненьня яе сына.

3 сьнежня Вольга Рыгораўна атрымала ліст з Пракуратуры Рэспублікі Беларусь за подпісам начальніка ўпраўленьня Ф. А. Шэдава, у якім сказана, што «вывучэньнем крымінальнай справы па абвінавачаньні Ігнатовіча і Маліка ўстаноўлена, што ў ім сабраны ўсе матэрыялы па ўказаным эпізодзе злачынства(..) Іншых матэрыялаў у органах пракуратуры і іншых дзяржаўных арганізацыях няма Пры такіх абставінах няма падставаў дзеля ўзбуджэньня вытворчасьці па наноў адкрыўшыхся абставінах…».

Нагадаем, што падчас прэс-канферэнцыі 20 ліпеня 2004 году А. Лукашэнка заявіў, што мае дакументы, якія пры іх агучваньні могуць пераўтварыць «справу Завадзкага» у «антысправу». Менавіта гэтыя дакументы і прасіла ў сваёй заяве вывучыць маці Дзьмітрыя Завадзкага, але з адказу пракуратуры не вынікае, ці яны былі запатрабваныя і вывучаныя, ці быў дапытаны А. Лукашэнка па дадзеным эпізодзе ў якасцьці сьведкі.

Менавіта таму Вольга Завадзкая накіравала скаргу Генеральнаму пракурору, у якой ўказала: «Згодна з ч.2 арт. 420 КПК Рэспублікі Беларусь падставамі да ўзбуджэньня вытворчасьці на наноў адкрыўшыхся адставінах з'яўляюцца паведамленьні службовых асобаў А.Р. Лукашэнка з'яўляецца адным з высокапастаўленых службовых асобаў Рэспублікі Беларусь.(…) Пры такіх абстваінах я лічу, што праверка па маёй заяве праведзеная Пракуратурай Рэспублікі Беларусь ня ў поўным аб'ёме».

Таксама В. Завадзкая запатрабавала згодна з Законам «Аб пракуратуры» азнаёміць яе з вынікамі праведзенай праверкі пасьля яе завяршэньня.

Такім чынам, застаецца толькі здагадвацца, хто хлусіць: Рэспубліканская пракуратура, якая заяўляе, што ня выявіла дадатковых дакументаў па справе зьнікненьня Дзьмітрыя Завадзкага, альбо А. Лукашэнка, які ня мае дакументаў, пра якія публічна заявіў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international