Інтэрнэт нельга падпарадкаваць

2007 2007-12-12T15:52:33+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

 «Палата прадстаўнікоў» у сераду прыняла ў першым чытанні законапраект «Аб інфармацыі, інфарматызацыі і абароне інфармацыі».

Прадстаўляючы праект дадзенага закона, міністр сувязі і інфарматызацыі Беларусі Мікалай Панцялей падкрэсліў, што законапраект не распаўсюджваецца на працу сродкаў масавай інфармацыі, у тым ліку электронных, і заявіў, што «ніякіх правіл паводзін у Інтэрнэце не ўводзіцца».

Пры гэтым міністр удакладніў, што закон «Аб інфармацыі, інфарматызацыі і абароне інфармацыі» «будзе рэгуляваць у тым ліку сферу інфармацыі, а таксама пытанні абароны інфармацыі».

Кіраўнік Цэнтра прававой абароны СМІ пры БАЖ Міхаіл Пастухоў лічыць частку дакумента, прысвечанага абароне інфармацыі, найбольш небяспечнай яго раздзелам. «Я думаю, што асноўная мэта гэтага законапраекта і была ў тым, каб прадугледзець шырокую сістэму мераў па «абароне» інфармацыі, а значыць – па абмежаванні яе свабоднага распаўсюджвання. Паводле дакумента, у адкрытым доступе павінна застацца толькі агульнадаступная інфармацыя. Уводзяцца ўсе новыя і новыя забароны на распаўсюджванне і выкарыстанне інфармацыі, і гэта выклікае занепакоенасць», – адзначае юрыст БАЖ.

«Нашая прынцыповая пазіцыя застаецца ранейшай – законапраект абмяжоўвае канстытуцыйнае права грамадзян на атрыманне, захаванне і распаўсюджванне інфармацыі», – заявіў М.Пастухоў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international