Сяргей Сямёнаў атштрафаваны за беларускую мову на мяжы

2007 2007-08-31T10:30:55+0300 1970-01-01T03:00:00+0300 be

30 базавых велічыняў штрафу (930 тыс. руб.) атрымаў гомельскі актывіст Сяргей Сямёнаў за патрабаванне прадаставіць беларускамоўны бланк мытнай дэкларацыі. Такое рашэнне вынесла суддзя Цэнтральнага раённага суда Марына Даменка.

Нагадаем, 21 жніўня ў актывіста Сяргея Сямёнава ў памежным пункце «Церуха» беларуска?ўкраінскай мяжы мытнікі запатрабавалі запоўніць дэкларацыю. Маладзён адказаў на гэта, што гатовы прадаставіць неабходную інфармацыю ў вуснай форме. Аднак супрацоўнікі мытні азнаёмілі яго з пастановай. У ёй паведамлялася, што спадар Сямёнаў па запатрабаванню мытні абавязаны запаўняць дэкларацыю выключна ў пісьмовай форме. Вынікам непрацяглай размовы з супрацоўнікамі мытнага камітэта сталася складанне пратакола «аб непадпарадкаванні законным патрабаванням супрацоўніка мытні».

Як паведаміў Рацыі Сяргей Сямёнаў, суд адбыўся за пару хвілінаў: «Суд праходзіў звычайна. Я патлумачыў, што не адмаўляўся ад запаўнення мытнай дэкларацыі, а проста папрасіў выдаць бланк ці на беларускай мове, ці выклікаць перакладчыка. Суддзя падумала літаральна хвілінаў 5?10 і сказала, што я вінаваты».

Актывіст збіраецца абскарджваць рашэнне ў абласным судзе, а таксама падаць заяву ў пракуратуру на супрацоўнікаў мытні за паклёп.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international