Адміністрыцыя Маскоўскага раёну Мінску адмаўляе евангельскім хрысціянам у арэндзе памяшканняў

2004 2004-09-29T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мінскія цэрквы “Новае Жыццё” і “Царква Ісуса Хрыста” (Аб’яднанне цэркваў хрысціянаў Поўнага Евангелля), а таксама “Новы Запавет” і “Надзея Збаўлення” (Саюз хрысціянаў веры Евангельскай) атрымалі адмову ў арэндзе залаў для багаслужэнняў. Рашэнне вынесла адміністрацыя Маскоўскага раёну г. Мінску. Прычынай адмовы стала недастатковае забеспячэнне рэлігійнымі абшчынамі “мераў па ажццяўленню кантрольна-прапускнога рэжыму ў цэрквах, забеспячэнню грамадcкай бяспекі і медыцынскага абслугоўвання”. Дагэтуль веруючыя збіраліся ў будынках у цэнтры гораду на вул. Берсана 1а і вул. Мяснікова 39в. Дакумент аб адмове падпісалі глава Адміністрацыі Маскоўскага раёну Дукар Я. М. і кіраўнік справамі раёну Бажэнаў Н. У.

Пастары евангельскіх цэркваў назвалі патрабаванні ўладаў абсурднымі і выказалі меркаванне, што ў стасунках мясцовых адміністрацыяў і цэркваў зараз пераважае т.зв.“тэлефоннае права”. “У такой сітуацыі дзіўна гучаць заявы Камітэта па справам рэлігій аб тым, што ў Беларусі захоўваецца спакойная сітуацыя ў галіне рэлігійных правоў і свабодаў,” – заявіў Барыс Чарнаглаз, пастар мінскай “Царквы Ісуса Хрыста”.

Ядвіга МАЦКЕВІЧ, інфармацыйны аддзел ПЦ «Вясна»

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international