Праваабарончы цэнтр “Вясна” просіць Міжнародную Федэрацыю Правоў Чалавека аказаць дапамогу па пытаньні ўзбуджэеньня крымінальных справаў супраць службовых асобаў Беларусі

2004 2004-07-07T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабарончы цэнтр “Вясна” зьвярнуўся да сп. Сідзікі Каба, Прэзідэнта Міжнароднай Федэрацыі Правоў Чалавека (FIDH), з просьбай аказаць дапамогу і даць юрыдычную кансультацыю па пытаньні магчымасьці ўзбуджэньня працэдуры крымінальнага перасьледу службовых асобаў Рэспублікі Беларусь, якія падазраюцца ў выкраданьнях і магчымых па-за судовых казьнях палітычных апанентаў рэжыму А. Лукашэнкі.

Дадзены зварот каментуе юрыст Валянцін Стэфановіч:
“Праваабарончы цэнтр “Вясна” зьяўляецца асацыяваным сябрам Міжнароднай Федэрацыі Правоў Чалавека (FIDH) з пачатку гэтага году. Гэта вельмі ўплывовая міжнародная праваабарончая арганізацыя, якая мае сваіх прадстаўнікоў ў Камітэце па правах чалавека ААН і ў еўрапейскіх структурах па правах чалавека.
У сувязі з гэтым, Праваабарончы цэнтр “Вясна” вырашыў зьвяруцца з запытам на імя Прэзідэнта FIDH сп. Сідзікі Каба. У запыце ўтрымліваецца кароткая інфармацыя пра зьнікненьні Ю. Захаранкі, В. Ганчара, А. Красоўскага, Дз. Завадскага і просьба аказаць дапамогу ў выглядзе юрыдчнай кансультацыі па працэдуры ўзбуджэньня крымінальных справаў у краінах Еўропы, ў нацыянальным заканадаўстве якіх закладзены прынцыпы экстэрытарыяльнай юрысдыкцыі. Маецца на ўвазе ўзбуджэньне працэдуры крымінальнага перасьледу ў адносінах да В. Шэймна, Ю. Сівакова, У. Навумава, Дз. Паўлючэнкі, асобаў якія падазраюцца ўжо і міжнароднай супольнасьцю ў выкраданьнях і магчымых па-за судовых казьнях апанентаў рэжыму А. Лукашэнкі.
Нам вельмі важна ведаць гэтыя працэдуры, а таксама краіны ў якіх магчыма ўзбуджэньне такіх справаў. Калі мы будзем ведаць гэтыя працэдуры, прэцэдэнты па аналагічных справах, мы зможам ужо больш дакладна працаваць у гэтым рэчышчы. Пры напісаньні запыту мы, безумоўна, абапіраліся ў першую чаргу на даклад сп. Хрыстаса Пургурыдэса, апошнія Рэзалюцыі ААН і ПАСЕ па правах чалавека ў Беларусі.
Для ўсіх жыхароў Беларусі вельмі важна каб нарэшце была ўстаноўлена праўда па гэтых жахлівых злачынствах, а ўсе вінаватыя былі пакараныя сьправядлівым і назалежным судом за свае ўчынкі.”

Інфармацыйны аддзел Праваабарончага цэнтру “Вясна”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international