Чэмпіянату свету па хакеі 2021 года не месца ў Беларусі

2021 2021-01-13T16:09:11+0300 2021-01-13T17:23:15+0300 be http://spring96.org/files/images/sources/2021_dont_play_with_the_dictator.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мінск, Парыж - Прэзідэнт Міжнароднай федэрацыі хакея (IIHF) Рэнэ Фазель 11 студзеня наведаў Мінск, каб абмеркаваць з прэзідэнтам Беларусі Аляксандрам Лукашэнкам Чэмпіянат свету па хакеі 2021 года, які павінен адбыцца ў Беларусі і Латвіі ў траўні і чэрвені гэтага года. FIDH і ПЦ "Вясна" лічаць, што перанос чэмпіянату за межы Беларусі прадэманстраваў бы сумленнасць IIHF, павагу да чалавечай годнасці і ўласныя абавязацельствы ў адпаведнасці з кодэксам паводзін IIHF. Такім чынам абедзве арганізацыі заклікаюць IIHF пазбавіць Беларусь права правядзення спартыўнага мерапрыемства.

Міжнародная федэрацыя правоў чалавека (FIDH) і Праваабарончы цэнтр "Вясна" лічаць, што, дазволіўшы правядзенне Чэмпіянату свету 2021 года ў Беларусі, IIHF, па сутнасці, падтрымае і ўзаконіць маральна збанкрутаваны рэжым, які парушае правы народа Беларусі трывожным і беспрэцэдэнтным спосабам. Чэмпіянат свету па хакеі з шайбай павінен прайсці ў Беларусі толькі ў тым выпадку, калі ўрад краіны дасягне значнага прагрэсу ў галіне правоў чалавека — галоўнае, вызваліўшы ўсіх палітвязняў, спыніўшы рэпрэсіі і пагадзіўшыся правесці сумленныя выбары.

FIDH і "Вясна" папярэджваюць, што правядзенне чэмпіянату ў Беларусі будзе неэтычным не толькі ў сувязі з гэтымі сур'ёзнымі парушэннямі правоў чалавека, але і таму, што гэта можа прывесці да небяспекі для заўзятараў, спартсменаў і журналістаў. Сёння нашы дзве арганізацыі накіравалі адкрыты ліст у IIHF з заклікам перадаць турнір для сумеснай арганізацыі ў іншых краінах.

“На гэтым тыдні адзначаецца шосты месяц пратэстаў, якія распачаліся пасля сфальсіфікаваных прэзідэнцкіх выбараў у Беларусі, і мы ўпэўнены, што пратэсты працягнуцца і ў 2021 годзе. Таму FIDH і ПЦ "Вясна" асцерагаюцца, што спартсмены, спартыўныя журналісты і аматары хакея могуць стаць выпадковымі ахвярамі гэтай рэпрэсіўнай машыны, калі чэмпіянат свету па хакеі 2021 года пройдзе ў Мінску", — сказаў Ілля Нузаў, кіраўнік аддзела па Усходняй Еўропе і Цэнтральнай Азіі ў FIDH.

Маштабы міліцэйскага гвалту ў Беларусі працягваюць выклікаць глыбокую занепакоенасць. З 9 жніўня былі затрыманыя больш за 33 000 чалавек, у той час як больш за 1 000 сталі ахвярамі катаванняў, сэксуальнага гвалту і іншых формаў бесчалавечнага абыходжання. У выніку рэпрэсій сотні былі параненыя, па меншай меры чатыры чалавекі загінулі. Сярод тых, хто пацярпеў ад невыпадковых і непрапарцыйных нападаў супрацоўнікаў праваахоўных органаў, — мірныя дэманстранты, у тым ліку вядомыя спартсмены, журналісты, жанчыны, непаўналетнія і нават пенсіянеры.

Чэмпіянат, верагодна, выкліча далейшы гвалт супраць грамадзянскай супольнасці, што стане працягам жахлівага сцэнарыя, які мы ўжо бачылі раней, калі IIHF дазволіў Беларусі прыняць чэмпіянат у 2014 годзе.

Нягледзячы на ​​шматлікія заклікі Еўрапарламента, праваабарончых арганізацый і вядомых спартсменаў на карысць пераносу чэмпіянату ў іншую краіну, пазаўчора былі апублікаваны выявы Рэнэ Фазеля, які абдымаў Лукашэнку, — чалавека, які стаіць за няспынным міліцэйскім гвалтам, а таксама некалькімі палітычнымі забойствамі, якія адбыліся ў 1990-я. Рашэнне аб пазбаўленні Беларусі правоў правядзення турніра можа быць прынята ўжо ў гэтым месяцы, і мы заклікаем IIHF зрабіць гэта без прамаруджвання.

Раней у гэтым месяцы, пасля абвяшчэння пра візіт Рэнэ Фазеля ў Мінск, FIDH і ПЦ "Вясна" накіравалі ліст у IIHF з просьбай абмеркаваць пытанне аб чэмпіянаце. Арганізацыі запэўнівалі, што візіт спадара Фазеля не будзе поўным без сустрэчы з беларускай грамадзянскай супольнасцю. IIHF не адказаў на ліст.

Лісты можна знайсці тут:

Ліст ад 5 студзеня 2021 года

Ліст ад 13 студзеня 2021 года

Апошнія навіны

Партнёрства

Сяброўства