viasna on patreon

Блог Насты Лойкі: Пра 8 сакавіка

2017 2017-03-08T23:16:19+0300 2017-03-08T23:17:35+0300 be https://spring96.org/files/images/sources/17197974_10206683509044956_1580632466_n.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Звычайна я ігнарую такія дні, але тут зусім ужо ў кветачна-кухоннае ўсё пераўтварылася, таму не магу маўчаць.

Хаця гістарычна гэты дзень для салідарнасьці працоўных жанчын у барацьбе за раўнапраўе, мне хочацца выказаць салідарнасьць з усімі жанчынамі, хто сёньня пакутуе ў гэтым сьвеце.

Так, я спачуваю і падтрымліваю тых жанчын, якім штогод робяць жаночае абразаньне, з надзеяй, што хутка гэта спыніцца (па дадзеных ЮНІСЕФ, гэтую працэдуру перанесьлі па меншай меры 200 мільёнаў жанчын у 30 краінах сьвету. 44 мільёны пацярпелых складаюць дзяўчынкі ва ўзросце да 15 гадоў).

Таксама я салідарна зь дзяўчынамі,

- якіх гвалтоўна аддаюць замуж (на Паўночным Каўказе, у Казахстане, Марока, Азербайджане, Йемене, Нігерыі, Чадзе, Малі і г.д.)

- не даюць вучыцца (дарагія язідкі)

- абмяжоўваюць доступ да прафэсій

- зьніжаюць заробкі па гэндэрнай прыкмеце

- не даюць галасаваць (Брунэй, ААЭ).

І яшчэ трошкі з Вікіпедыі пра гвалт над жанчынамі: гвалт над жанчынамі асабліва распаўсюджаны ў краінах і частках свету, якія развіваюцца. Напрыклад, у Індыі, Пакістане, Бангладэш, Шры-Ланцы і Непале распаўсюджаныя забойства з-за пасагу і спаленьне нявесты; ў Паўднёва-Усходняй Азіі, у прыватнасці, у Камбоджы, распаўсюджана абліванне кіслатой; на Сярэднім Усходзе і ў Паўднёвай Азіі - забойствы гонару; у асобных рэгіёнах Афрыкі, Сярэдняга Усходу і Азіі - жаночае абразанне; у Эфіопіі, Цэнтральнай Азіі і на Каўказе - выкраданне нявест; ў пэўных частках Чорнай Афрыкі і Акіяніі - гвалт, звязанае з выплатай выкупу за нявесту (такія формы як жорсткасць, гандаль людзьмі і шлюб пад прымусам).

Беларусь з 1980 года ратыфікавала Канвенцыю аб ліквідацыі ўсіх формаў дыскрымінацыі ў адносінах да жанчын, але на колькі мы блізкія да роўнасьці?..

Наста Лойка

Юрыст Праваабарончага цэнтра “Вясна” з 2010 года, удзельніца Міжнароднага моладзевага праваабарончага руху. Магістр Еўрапейскага і міжнароднага права. Профільныя тэмы: палітвязьні, адвольныя затрыманьні, мірныя сходы, грамадзкі кантроль, асьвета й адукацыя ў галіне правоў чалавека. Шмат што з праваабарончай дзейнасьці застаецца “за кадрам”: не пра ўсё пішуць у навінах, не пра ўсё могуць спытаць журналісты. Мой блёг ськіраваны на асьвятленьне асобных тэмаў у галіне правоў чалавека, у чым я зыходжу з уласнага досьведу й меркаваньня.

* Адказнасць за змест тэкстаў, як і за правапіс і пунктуацыю, нясуць выключна аўтары блогаў

Апошнія навіны

Партнёрства

Сяброўства