Праваабарончы цэнтр «ВЯСНА»

Навіны за 10 лістапада 2014

10.11.2014 Выселеныя з кватэр магілеўчане падазраюць чыноўнікаў у датычнасці да карупцыйных схем з жыллём

Выселеныя грамадзяне заяўляюць аб фальсіфікацыі дакументаў, паводле якіх д.59 па вуліцы Ленінскай без іх ведама і згоды з недобраўпарадкаванага дома перавялі ў стан інтэрната, які затым аддалі на баланс Будаўнічага трэста №12.

10.11.2014 Павел Вінаградаў: "Людзі, не бойцеся!"

Адзін з апазіцыянераў, якія часта пераследуюцца, лічыць, што пасля падзей 2010 года праявы салідарнасці з актывістамі грамадзянскай супольнасці ў Беларусі становяцца хутчэй выключэннем, чым правілам. Кампаніі апошніх месяцаў - падчас яго арышту і супраць высылкі з краіны праваабаронцы Алены Танкачовай - ён называе прыемнай нечаканасцю.

10.11.2014 Сітуацыя з правамі чалавека ў Беларусі. Кастрычнік 2014 года

Сітуацыя з правамі чалавека ў Беларусі ў кастрычніку заставалася стабільна кепскай, захоўвалася сістэмнасць і сістэматычнасць іх парушэнняў. Нарастанне практыкі адвольных затрыманняў і асуджэння на адміністрацыйныя арышты запатрабавала асобнага акцэнтавання з боку праваабаронцаў.

10.11.2014 Бабруйскіх галадоўнікаў апыталі ў УУС, яны абвесцілі бестэрміновую галадоўку

Сябраў пярвічкі СПБ, звольненых з завода ТДіА, затрымалі каля гарвыканкама, дзе яны сёння працягвалі галадоўку, і даставілі ў УУС. Міліцыянты патлумачылі, што затрымалі галадоўнікаў для высвятлення асобаў.

Актывіст са Светлагорску заявіў у пракуратуру на невядомых, якія падпалілі яго паштовую скрыню і сунулі ў дзверы запіску пагрозлівага характару

10.11.2014 Актывіст са Светлагорску заявіў у пракуратуру на невядомых, якія падпалілі яго паштовую скрыню і сунулі ў дзверы запіску пагрозлівага характару

Грамадскі актывіст са Светлагорску Юрый Ляшэнка накіраваў у пракуратуру раёна заяву з просьбай правесці праверку некаторых фактаў супрацьпраўных дзеянняў невядомых пакуль грамадзян.

10.11.2014 Падтрымаў выступ супраць “шэрай бухгалтэрыі” – кантракт скасаваны

Эдуард Дзягілеў выступіў супраць шэрай бухгалтэрыі, а другі, Вячаслаў Сачук, гэта падтрымаў, і адзіны з калектыву падцвердзіў махлярства ў бухгалтарскіх разліках следчаму АБЭЗ аддзела ўнутраных спраў Ленінскага раёна Брэста.

10.11.2014 У Бялыніцкім раёне зноў прымушаюць здаваць другасную сыравіну

Работнікі адукацыйных установаў у прыватных гутарках абураюцца, што іх у прымусовым парадку зрабілі зборшчыкамі смецця, аднак далей размоў справа не ідзе: баяцца, што за невыкананне чарговых заданняў іх пазбавяць прэміяльных.

10.11.2014 Будзьма студэнтамі! У Мінску праходзіць «Тыдзень студэнта»

Хочаш акунуцца ў атмасферу сапраўднага студэнцтва? Разбавіць навучальныя будні яркімі ўражаннямі і новымі ведамі, і пераканацца, што быць студэнтам - гэта выдатна? Прыходзь на мерапрыемствы "Тыдня студэнта" з 9 па 17 лістапада!

10.11.2014 «Смяротную кару Лукашэнка захоўвае, каб запалохваць нас усіх»

Жыхар Салігорску Аляксандар Буд-Гусаім, які 15 гадоў таму быў асуджаны на пажыццёвае зняволенне, дамогся перагляду сваёй справы, змены прысуду і месяц таму выйшаў на волю.