Навіны на тэму: аналітыка
06.12.2021 Libereco: 58% рэкламы на дзяржаўным тэлебачанні размяшчаюць заходнія кампаніі
Праваабарончая арганізацыя Libereco апублікавала справаздачу аб маніторынгу рэкламы на дзяржаўных тэлеканалах "Беларусь 1", "АНТ" і "СТБ" у перыяд з 15 па 21 лістапада, які праводзіўся штодня з 19:00 да 22:00.
01.12.2021 За лістапад па "пратэсных" крымінальных справах асуджана не менш за 143 чалавекі
Прыводзім асноўныя тэндэнцыі, якія тычацца разгляду "пратэсных" крымінальных спраў у судах, зафіксаваныя ПЦ "Вясна" ў лістападзе.
09.11.2021 Працоўная група ААН: "Ніякага судовага разгляду па справе Ціханоўскага не мусіла праводзіцца"
Працоўная група ААН па адвольных затрыманнях разгледзела скаргу, пададзеную ў абарону Сяргея Ціханоўскага па факце яго затрымання на перадвыбарным пікеце 29 траўня 2020 года і яго папярэдняга зняволення па крымінальнай справе, якія суправаджаліся парушэннем шэрагу яго фундаментальных правоў.
01.11.2021 У кастрычніку па "пратэсных" крымінальных справах асуджана не менш за 95 чалавек
ПЦ "Вясна" вядома аб як мінімум 95 грамадзянах, якіх былі асуджаныя па палітычна матываваных крымінальных справах за мінулы месяц.
01.10.2021 Як мінімум 103 чалавекі асуджаныя за верасень па "пратэсных" крымінальных справах
Маніторынг "пратэсных" крымінальных справаў, які праводзіцца ПЦ "Вясна", штомесяц фіксуе вынясенне палітычна матываваных прысудаў грамадзянам за рэалізацыю імі сваіх асноўных правоў, часцей за ўсё за выказванне меркавання і за ўдзел у сходах.
17.08.2021 «Грамадзянскую супольнасць у Беларусі чакаюць новыя рэпрэсіі і пераслед». Агляд зменаў у законы Беларусі за апошні год
Праваабаронцы «Вясны» прааналізавалі ўнесеныя за апошні год змены ў законы Беларусі з пункту гледжання іх уплыву на сітуацыю з правамі чалавека і асноўнымі свабодамі.
09.08.2021 Дзясяткі тысяч затрыманых, тысячы заяваў аб катаваннях і сотні параненых — год таму ў Беларусі адбыліся выбары прэзідэнта
Дзявятага жніўня 2020 года ў Беларусі адбыліся выбары прэзідэнта. Тое, што адбылося пасля гэтага, стала самым сур'ёзным крызісам у галіне правоў чалавека за ўсю кароткую гісторыю незалежнасці краіны. «Вясна» прыводзіць несуцяшальныя дадзеныя пераследу з пачатку выбарчай кампаніі.
02.08.2021 За ліпень па "пратэсных" крымінальных справах асуджана не менш за 107 чалавек
Ліпень бягучага года ўвайшоў у гісторыю нашай краіны як перыяд, калі ўлады ў адказ на санкцыі міжнародных арганізацый зладзілі пагром грамадзянскай супольнасці.
01.07.2021 За чэрвень па “пратэсных” крымінальных справах асуджана не менш за 125 чалавек
Праваабарончаму цэнтру “Вясна” вядома пра не менш за 125 асуджаных па “пратэсных” крымінальных справах у першым летнім месяцы. За чэрвень колькасць палітычных зняволеных узрасла на 88 чалавек.
16.06.2021 Заключэнне экспертаў і юрыстаў ПЦ "Вясна" па крымінальнай справе па абвінавачванні Міхаіла Добыша па артыкуле 364 КК
Прысудам суда Баранавіцкага раёна і г. Баранавічы Міхаіл Добыш прызнаны вінаватым у тым, што 17 верасня 2020 года ў памяшканні прадуктовай крамы ў мэтах перашкоджання законнай дзейнасці і з помсты за выкананне службовай дзейнасці супрацоўніка органаў унутраных спраў маёра міліцыі І. Міцуры здзейсніў пагрозу прымянення гвалту ў дачыненні да І. Міцуры, якая выявілася ў «псіхалагічным уздзеянні і запалохванні, падаўленні яго волі пры асабістым выказванні славесных пагроз аб прымяненні фізічнага гвалту, пры гэтым пацярпелы меў рэальныя падставы баяцца ажыццяўлення гэтых пагроз».
11.06.2021 Заключэнне экспертаў і аналітыкаў ПЦ "Вясна" па крымінальнай справе па абвінавачванні Сяргея Моніча
Сяргей Моніч прысудам суда Мінскага раёна Мінскай вобласці ад 2.04.2021 г.асуджаны за нанясенне надпісаў «АМАП – забойцы», «3%» па ч. 1 арт. 339 КК да 1 года пазбаўлення волі, за нанясенне надпісу «Кубракоў – фашыст» па арт. 369 КК да 3 месяцаў арышту, а таксама за захоўванне і перавозку наркатычнага сродку – марыхуаны масай 0,1 г без мэты збыту па ч. 328 КК да 2 гадоў пазбаўлення волі. Шляхам частковага складання пакаранняў яму прызначана пакаранне ў выглядзе 3 гадоў пазбаўлення волі ў ВК ва ўмовах агульнага рэжыму.
01.06.2021 За травень па «пратэсных» крымінальных справах асуджана не менш за 109 чалавек
Тэндэнцыя да крыміналізацыі любых праяў нязгоды са згубіўшай пасля падзей жніўня 2020 года легітымнасць аўтарытарнай вертыкаллю ўлады пагаршае палітычны крызіс і даводзіць маштаб масавых парушэнняў правоў чалавека ў цэнтры Еўропы да гуманітарнай катастрофы.
31.05.2021 Заключэнне экспертаў і аналітыкаў ПЦ "Вясна" па крымінальнай справе па абвінавачванні Ціхана Осіпава
Аналітыкі і эксперты ПЦ "Вясна" ў рамках кампаніі па маніторынгу палітычна матываваных крымінальных спраў, узбуджаных у перыяд выбарчай кампаніі па выбарах прэзідэнта, прыйшлі да наступнага заключэння па крымінальнай справе Ціхана Осіпава.
20.05.2021 Заключэнне экспертаў і аналітыкаў ПЦ «Вясна» па крымінальнай справе Ірыны Палянінай па арт. 369 і 295 КК
Пастаўскі раённы суд асудзіў 49-гадовую Ірыну Паляніну на два гады пазбаўлення волі ў калоніі агульнага рэжыму. Тэрмін прызначаны шляхам частковага складання пакаранняў: паводле арт. 369 жанчыну прысудзілі да абмежавання волі тэрмінам на два гады з накіраваннем у выпраўленчую ўстанову адкрытага тыпу, паводле арт. 295 — на паўтара года пазбаўлення волі ў калоніі.
19.05.2021 Заключэнне экспертаў і юрыстаў ПЦ "Вясна" па крымінальных справах па арт. 309 КК (блакаванне чыгункі)
У судзе Баранавіцкага раёна 27 красавіка вынеслі прысуд Сяргею Богдану, Уладзіміру Ланкевічу і Віктару Іванцову. Першых двух прызналі вінаватымі паводле ч. 1 арт. 14 і арт. 309 Крымінальнага кодэкса і прысудзілі да трох гадоў пазбаўлення волі ў калоніі агульнага рэжыму. Віктара Іванцова прызналі вінаватым ва ўчыненні злачынства, прадугледжанага арт. 309, і прызначылі два гады пазбаўлення волі ў калоніі агульнага рэжыму.
