Навіны на тэму: ААН
05.12.2021 Міжнародны дзень валанцёра: “Стань добраахвотнікам зараз, каб пабудаваць лепшую будучыню”
5 снежня адзначаецца Міжнародны дзень валанцёра, які быў заснаваны Генеральнай асамблеяй ААН у 1985 годзе ў мэтах прызнання і распаўсюджвання інфармацыі аб нястомнай працы добраахвотнікаў па ўсім свеце.
16.11.2021 Праваабаронцы паведамілі Спецдакладчыкам ААН пра парушэнні правоў затрыманых па “справе Зельцэра”
Праваабаронцы “Вясны” ў інтарэсах затрыманых па “справе Зельцэра” звярнуліся да спецдакладчыкаў ААН па пытанні жорсткага і бесчалавечнага абыходжання з імі пасля затрымання і падчас утрымання ў Жодзінскай следчай турме №8.
09.11.2021 Працоўная група ААН: "Ніякага судовага разгляду па справе Ціханоўскага не мусіла праводзіцца"
Працоўная група ААН па адвольных затрыманнях разгледзела скаргу, пададзеную ў абарону Сяргея Ціханоўскага па факце яго затрымання на перадвыбарным пікеце 29 траўня 2020 года і яго папярэдняга зняволення па крымінальнай справе, якія суправаджаліся парушэннем шэрагу яго фундаментальных правоў.
26.10.2021 Экспертка ААН: "Жанчыны ў Беларусі платяць высокую цану за адстойванне правоў чалавека"
Беларусь адмаўляе жанчынам у шматлікіх правах і свабодах, гарантаваных міжнародным правам правоў чалавека, а жанчыны-актывісткі зазнаюць гвалтоўныя знікненні, катаванні, жорсткае абыходжанне і нават выгнанне, паведаміла сёння Генеральнай Асамблеі ААН экспертка па правах чалавека.
23.10.2021 УВКПЧ заклікае прадставіць інфармацыю аб становішчы ў галіне правоў чалавека ў Беларусі. Збор працягнуты да 15 снежня
Упраўленне Вярхоўнага камісара ААН па правах чалавека заклікае асобаў, групы і арганізацыі прадставіць інфармацыю і дакументацыю, якая мае дачыненне да мандата* па разглядзе сітуацыі з правамі чалавека ў Беларусі.
27.09.2021 КПЧ ААН пацвердзіў парушэнне права на жыццё ў справе расстралянага Аляксея Міхалені
Камітэт па правах чалавека ААН апублікаваў 7 верасня сваё рашэнне па справе Аляксея Міхалені, расстралянага ў траўні 2018 г. Каментарый Андрэя Палуды.
24.09.2021 "Я глыбока занепакоеная працягам аперацый спецслужбаў супраць грамадзянскай супольнасці". Інтэрактыўны дыялог па Беларусі адбыўся ў ААН
24 верасня 2021 года на 48-й сесіі Савета па правах чалавека ААН адбыўся інтэрактыўны дыялог па прамежкавай вуснай абноўленай інфармацыі УВКПЧ аб сітуацыі з правамі чалавека ў Беларусі напярэдадні прэзідэнцкіх выбараў 2020 года і пасля іх.
30.07.2021 Камітэт па правах чалавека ААН вынес рашэнне па справе 2011 года аб пазбаўленні ліцэнзіі адваката Алега Агеева
Камітэт прыйшоў да высновы, што "пазбаўленне аўтара [звароту] ліцэнзіі адваката і тое, як гэта было зроблена, сведчаць аб сур'ёзным і неапраўданым умяшанні ўладаў дзяржавы-ўдзельніка ў асноватворны прынцып незалежнасці адвакатуры".
30.07.2021 Эксперты ААН вывучаць сітуацыю з адвольным затрыманнем журналіста Рамана Пратасевіча
На мінулым тыдні сем праваабарончых арганізацый падалі заяву ў працоўную групу ААН па адвольных затрыманнях аб разглядзе сітуацыі з беларускім журналістам Раманам Пратасевічам. Ён быў адвольна затрыманы і ўтрымліваецца ў бесчалавечных умовах з 23 мая 2021 года. Паколькі дасягнуць справядлівасці і прыцягнення вінаватых у парушэнні правоў чалавека адказнасці ў справе журналіста немагчыма на нацыянальным узроўні, арганізацыі звяртаюцца да сістэмы правоў чалавека ААН з запытам да экспертнага органа аб прызнанні затрымання адвольным.
15.07.2021 Мішэль Бачалет пра затрыманні праваабаронцаў і актывістаў: "Такія рэпрэсіі зусім недапушчальныя"
Каментар Вярхоўнага камісара ААН па правах чалавека Мішэль Бачалет пра Беларусь.
13.07.2021 Мандат Спецдакладчыка па Беларусі быў працягнуты на адзін год з падтрымкай у 21 голас
13 ліпеня на 47 сесіі Савета па правах чалавека адбыўся разгляд і галасаванне па рэзалюцыі па сітуацыі з правамі чалавека ў Беларусі.
05.07.2021 “Міжнародная супольнасць павінна працаваць калектыўна, каб заставіць улады паважаць правы чалавека". У СПЧ адбыўся інтэрактыўны дыялог па сітуацыі ў Беларусі
5 ліпеня на 47-ай сесіі Савета па правах чалавека ААН прагучала пытанне Беларусі – адбыўся інтэрактыўны дыялог, дзе Спецдакладчык Анаіс Марэн прадставіла свой чарговы даклад.
26.06.2021 Эксперты ААН: COVID-19 павышае рызыку неналежнага абыходжання і прымянення катаванняў ва ўсім свеце
У Міжнародны дзень у падтрымку ахвяраў катаванняў механізмы ААН па барацьбе з катаваннямі* аднагалосна перасцераглі аб тым, што пандэмія COVID-19 вядзе да росту колькасці выпадкаў катаванняў і неналежнага абыходжання ва ўсім свеце, а ахвяры катаванняў схільныя да асабліва высокай рызыкі заражэння гэтым смяротным вірусам па прычыне свайго ўразлівага становішча.
22.06.2021 Міжнародныя праваабарончыя арганізацыі заклікалі Савет па правах чалавека падтрымаць працягненне мандата Спецдакладчыка па Беларусі
21 чэрвеня ў Жэневе распачалася 47-ая сесія Савета па правах чалавека ААН, якая працягнецца да 9 ліпеня. Падчас гэтай сесіі будзе ўздымацца і пытанне парушэнняў правоў у Беларусі.
04.06.2021 Спецдакладчык ААН: "Сітуацыя працягвае пагаршацца ў атмасферы страху, беспакаранасці і непрыцягнення да адказнасці вінаватых"
На сайце ААН апублікаваны даклад Спецдакладчыка па пытанні аб палажэнні ў вобласці правоў чалавека ў Беларусі Анаіс Марэн, які будзе прадстаўлены на 47 сесіі Савета па правах чалавека.
