Праваабарончы цэнтр «ВЯСНА»

30.06.2017 Сітуацыя з правамі чалавека ў Беларусі. Чэрвень 2017

Факт спынення шэрагу крымінальных справаў яўна палітычна матываванага характару і вызвалення з-пад варты ўсіх абвінавачаных, затрыманых напярэдадні 25 сакавіка, выклікае асцярожны аптымізм, але не дае падставаў сцвярджаць пра змякчэнне рэпрэсіўных практык як пра ўстояную тэндэнцыю.

05.06.2017 Сітуацыя з правамі чалавека ў Беларусі. Травень 2017

На працягу месяца назіраўся працяг негатыўных тэндэнцый, якія сведчаць пра пагаршэнне агульнай сітуацыі з правамі чалавека ў краіне.

03.05.2017 Сітуацыя з правамі чалавека ў Беларусі. Красавік 2017

На працягу месяца назіраўся працяг негатыўных тэндэнцый, якія сведчаць пра пагаршэнне агульнай сітуацыі з правамі чалавека ў краіне пачынаючы з сакавіка гэтага года, а таксама пра вяртанне афіцыйных уладаў Беларусі да палітыкі найгоршых рэпрэсіўных практык.

03.04.2017 Сітуацыя з правамі чалавека ў Беларусі. Сакавік 2017

На працягу сакавіка назіралася рэзкае пагаршэнне агульнай сітуацыі з правамі чалавека ў краіне, якое сведчыць аб вяртанні афіцыйных уладаў Беларусі да палітыкі найгоршых рэпрэсіўных практык.

02.03.2017 Сітуацыя з правамі чалавека ў Беларусі. Люты 2017

У другой палове лютага па Беларусі пракацілася хваля мірных сходаў супраць названага дэкрэта: 17 лютага 2017 года ў Менску праходзіла акцыя “Марш абураных беларусаў”; 19 лютага акцыя “Марш недармаедаў” адбылася ў Гомелі; у гэты ж дзень адбыліся шэсце і мітынг у Магілёве; акцыі супраць Дэкрэта № 3 прайшлі ў нядзелю, 26 лютага, у Бабруйску, Баранавічах, Брэсце і Віцебску.

05.02.2017 Сітуацыя з правамі чалавека ў Беларусі. Студзень 2017

На працягу месяца былі зафіксаваныя выпадкі канфіскацыі і арышту асабістай маёмасці грамадзянаў у сувязі з запазычанасцю па выплаце адміністрацыйных штрафаў, накладзеных за ўдзел у мірных сходах. Праваабаронцы расцэньваюць дадзеныя выпадкі як адну з формаў рэпрэсій у сувязі з рэалізацыяй грамадзянамі свабоды мірных сходаў і выказвання меркаванняў.

19.01.2017 Сітуацыя з правамі чалавека ў Беларусі ў 2016 годзе. Аналітычны агляд

Змены геапалітычнай сітуацыі ў рэгіёне, непасрэдна прылеглым да межаў Рэспублікі Беларусь, працягвалі аказваць істотны ўплыў на знешнюю і ўнутраную палітычную сітуацыю ў краіне на працягу 2016 года, што ў сваю чаргу ўплывала і на сітуацыю з правамі чалавека ў Беларусі.

09.01.2017 Сітуацыя з правамі чалавека ў Беларусі. Снежань 2016

На працягу месяца ПЦ "Вясна" было зафіксавана некалькі фактаў прымянення прымусовай працы ў шэрагу раёнаў Менскай вобласці, што ў сукупнасці з раней зафіксаванымі фактамі сведчыць пра сістэмны і сістэматычны характар прымянення прымусовай працы ў краіне.

05.12.2016 Сітуацыя з правамі чалавека ў Беларусі. Лістапад 2016

Прывядзенне ў выкананне трох смяротных прысудаў з'яўляецца асноўнай негатыўнай тэндэнцыяй месяца і дэманструе відавочнае нежаданне афіцыйнага Менска адмовіцца ад прымянення смяротнага пакарання ў бліжэйшы час.

02.11.2016 Сітуацыя з правамі чалавека ў Беларусі. Кастрычнік 2016

Вынесеныя прысуды ў дачыненні да Д. Паліенкі і Э. Пальчыса ў цэлым не змяняюць ацэнкі іх крымінальных справаў з боку ПЦ "Вясна", аднак пры гэтым мы пазітыўна ацэньваем стрыманасць, праяўленую беларускімі ўладамі, і прымяненне пакаранняў, не звязаных з пазбаўленнем волі.

03.10.2016 Сітуацыя з правамі чалавека ў Беларусі. Верасень 2016

Негатыўнай тэндэнцыяй верасня стала аднаўленне практыкі адвольных затрыманняў палітычных актывістаў.

01.09.2016 Сітуацыя з правамі чалавека ў Беларусі. Жнівень 2016

Як стала вядома праваабаронцам, 14 ліпеня ў межах расследавання крымінальнай справы па падзеях 19 снежня 2010 г. быў затрыманы і ўзяты пад варту жыхар п. Рудзенск Уладзімір Кондрусь. Ён абвінавачваецца па ч. 2 арт. 293 КК Рэспублікі Беларусь («масавыя беспарадкі»). 10 жніўня 2016 г. праваабарончыя арганізацыі распаўсюдзілі заяву аб прызнанні У. Кондруся палітвязнем, дзе запатрабавалі яго вызвалення.

02.08.2016 Сітуацыя з правамі чалавека ў Беларусі. Ліпень 2016

Завершана расследаванне ў дачыненні да фельчара СІЗА, афіцэра МУС Аляксандра Крылова, якому прад'яўленыя абвінавачванні ў неналежным выкананні прафесійных абавязкаў, што пацягнула па неасцярожнасці смерць Ігара Пцічкіна ў СІЗА № 1 у жніўні 2013 г.

04.07.2016 Сітуацыя з правамі чалавека ў Беларусі. Чэрвень 2016

Камітэт па нормах і стандартах Міжнароднай арганізацыі працы (МАП) заклікаў ўлады Беларусі прывесці нацыянальнае заканадаўства ў адпаведнасць патрабаванням канвенцыі № 29 МАП. Дадзенае заключэнне было зроблена па выніках разгляду беларускага пытання на 105-й сесіі Міжнароднай канферэнцыі працы ў Жэневе.