26.06.2014 Справа аб расследаванні катаванняў у дачыненні да Пятра Кучуры ў ПК-15 зрушылася з мёртвай кропкі
Напэўна, скарга ў КПЧ ААН па факце атручвання Пятра Кучуры ў ПК-15 хлоркавай вапнай, якая магла быць прыменена наўмысна як сродак катавання, прымусіла следчыя органы заварушыцца. Амаль праз дзевяць месяцаў з моманту здзекаў з асуджанага, нарэшце, прызначана праверка.
01.05.2014 Пра правы адміністратыўна арыштаваных і ўмовы адбыцця пакарання
У сувязі з частымі выпадкамі незаконных адвольных затрыманняў і адміністратыўных арыштаў у дачыненні да грамадзянскіх актывістаў юрыст Павел Сапелка нагадвае пра правы адміністратыўна арыштаваных і ўмовы адбыцця пакарання, якія ім абавязана прадаставіць адміністрацыя спецыяльнай установы, дзе ўтрымліваюцца адміністратыўна арыштаваныя.
16.04.2014 Зняволеныя распавялі пра радыкальныя падыходы да выпраўлення ў ПК-9 у Горках
Прыкладна з 2008 г. у ПК-9 склаўся парадак, калі адміністрацыя заахвочвае гвалт «апрычнікаў» у дачыненні да асуджаных. Жорстка караюцца як супрацьпраўныя дзеянні, накшталт валодання тэлефонам, так і напісанне скаргаў на дзеянні адміністрацыі. Пад забаронай нават напісанне наглядных скаргаў па крымінальных справах!
14.04.2014 Эксперт пра прынцыпы расследавання катаванняў
Юрыст Павел Сапелка абагульніў палажэнні міжнародных дакументаў пра эфектыўнае расследаванне катаванняў і іншых жорсткіх, бесчалавечных відаў абыходжання і пакарання, а таксама нормы юрыдычнай і медыцынскай этыкі адносна гэтай праблемы.
10.04.2014 Што стаіць за прэсінгам Раміза Мамедава ў ПК-5?
Маці зняволенага івацэвіцкай папраўчай калоніі №5 скардзіцца на масіраваны прэсінг на сына, які ажыццяўляецца, на яе думку, па замове лідскіх і гродзенскіх праваахоўнікаў, што маюць дачыненне да фальсіфікацыі яго крымінальнай справы.
04.04.2014 Пётр Кучура паўторна асуджаны да трох гадоў турэмнага рэжыму
4 красавіка суд Кастрычніцкага раёна г. Магілёва, згодна з пастановай Магілёўскага абласнога суда, перагледзеў матэрыялы справы пра перавод Пятра Кучура на тры гады турэмнага рэжыму і пакінуў рашэнне ранейшым. Нягледзячы на тое, што абласны суд угледзеў істотныя парушэнні крымінальна-працэсуальнага закона пры правядзенні першага суда.
25.03.2014 Пятру Кучуру адмянілі турэмны рэжым
Пра гэта ПЦ "Вясна" паведаміла жонка зняволенага пасля тэлефоннай размовы з ім. Але Людміла Кучура не спыняецца на дасягнутым і накіроўвае ў ААН скаргу па факце катаванняў мужа ў магілёўскай калоніі.
05.03.2014 Людміла Кучура звярнулася ў генпракуратуру і парламент з нагоды неэфектыўнасці расследавання скаргаў пра катаванні
Жонка зняволенага, які падвергнуўся катаванням, лічыць, што ў беларускім заканадаўстве няма эфектыўнага механізму расследавання скаргаў пра катаванні, а дзяржава не выконвае прынятыя на сябе абавязацельствы па ратыфікаваных міжнародных дамовах.
20.02.2014 Грамадскі кантроль за дзейнасцю пенітэнцыярных установаў: абмежаванні ў заканадаўстве
Што азначае ўключаная ў тэкст нормы Крымінальна-выканаўчага кодэкса, якая дае грамадскім аб'яднанням права кантролю за дзейнасцю пенітэнцыярных установаў, агаворка: «на падставах і ў парадку, прадугледжаных заканадаўствам»? Ці можна кантроль ГНК лічыць эфектыўным?
07.02.2014 Пра балявыя кропкі сістэмы ўстановаў для непаўналетніх правапарушальнікаў
Хоць Мінадукацыі не жадае дапускаць праваабаронцаў у закрытыя навучальныя ўстановы для непаўналетніх правапарушальнікаў, усё ж удалося намацаць некалькі балявых кропак гэтай сістэмы. Няма сумненняў у тым, што дзейсны грамадскі кантроль толькі палепшыў бы сітуацыю.
09.01.2014 Людміла Кучура: «Кіраўніцтва калоніі вельмі спяшалася «закрыць» майго мужа»
Асуджаны Пётр Кучура, які адбываў пакаранне ў папраўчай калоніі №15 і парушаў спакой адміністрацыі, баронячы свае правы, 30 снежня 2013 года пераведзены на тры гады строгага рэжыму ў магілёўскую турму № 4.
08.01.2014 Эксперт: сістэма ізаляцыі непаўналетніх правапарушальнікаў патрабуе пільнай увагі
У рамках маніторынгу месцаў прымусовага ўтрымання грамадзянаў у Беларусі юрыст Павел Сапелка звяртае ўвагу на ўмовы ў спецыяльных вучэбна- і лячэбна-выхаваўчых установах і прыёмніках-размеркавальніках для непаўналетніх.
24.12.2013 Як зняволеныя жывуць "на грошы падаткаплацельшчыкаў": "жыроўка" з магілёўскай ПК-15
Мінчанка Людміла Кучура атрымала з ДВП МУС даведку пра кошт "камуналкі", якую аплочвае яе муж у ПК-15 Магілёва: «Столькі я плачу за сваю добрую трохпакаёвую кватэру. Акрамя КБП, у яго вылічваюць і за харчаванне, і за вопратку, і за абутак ... "
20.12.2013 Маці памерлага ў светлагорскім ІЧУ затрыманага звернецца ў суд
Апошняй кропляй стала адпіска раённага пракурора Уладзіміра Тарасенкі, якая паказала бессэнсоўнасць далейшай перапіскі з органамі пракуратуры. Ён разгледзеў скаргу Валянціны Акуліч, нават не азнаёміўшыся з матэрыяламі праверкі па факце смерці яе сына.
10.12.2013 СК "не бачыць падставаў" для пакарання персаналу магілёўскай калоніі за катаванні
Такое рашэнне Следчы камітэт РБ прыняў з нагоды скаргі Людмілы Кучуры, чый муж у ПК-15 Магілёва падвяргаўся катаванням хлоркай. Пры гэтым СК нават не правёў праверкі па ўказаных у скарзе фактах.
