viasna on patreon

У Баранавічах на тры гадзіны затрымалі актывіста Шарэнду з-за паста пра будучую акцыю Дапоўнена

2019 2019-11-13T21:20:00+0300 2019-11-13T21:36:49+0300 be https://spring96.org/files/images/sources/sharenda-1601_0_0.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрусь Шарэнда (фота euroradio.fm)

Андрусь Шарэнда (фота euroradio.fm)

У Баранавічах затрыманы актывіст «Еўрапейскай Беларусі» Андрэй Шарэнда, паведамляе іх тэлеграм-канал. 

Яго міліцыянты знялі з цягніка на падставе праверкі дакументаў. Цяпер ён знаходзіцца ў апорным пункце на станцыі "Баранавічы-Палескія".

Пра гэта паведаміла яго жонка, былая кандыдатка ў дэпутаты Паліна Шарэнда-Панасюк.

Праз тры гадзіны Шарэнду вызвалілі. Як ён затым паведаміў праваабаронцу "Вясны" Аляксандру Вайцешыку, ссаджвалі з цягніка "Брэст-Мінск" яго на падставе таго, што міліцыянтам трэба было праверыць інфармацыю, ці сапраўды актывіст ўхіляецца ад ЛПП. Яго ссадзілі на станцыі "Баранавічы Цэнтральныя", а затым перавезлі на "Баранавічы-Палескія".

Там ён правёў тры гадзіны. Дзесьці паўтары гадзіны ён проста чакаў, а затым у яго сталі браць тлумачэнні наконт рэпосту ў Facebook аб акцыі 15 лістапада. Спачатку міліцыянты хацелі скласці пратакол па артыкуле 23.34 КаАП за заклік да несанкцыянаванай акцыі, аднак затым перадумалі і абмежаваліся папярэджаннем.

Адпусцілі Шарэнду ў 20.30 – менавіта тады, калі сышоў апошні цягнік на Мінск.  

Андрэй Шарэнда з праваабаронцам Аляксандрам Вайцешыкам пасля вызвалення
Андрэй Шарэнда з праваабаронцам Аляксандрам Вайцешыкам пасля вызвалення

Пасля гэтага на аўтавакзале яго знайшоў намеснік начальніка транспартнай міліцыі Баранавічаў і ўзяў дадатковыя тлумачэнні.


Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства