viasna on patreon

Актывіста БХД Паўла Пракаповіча прысудзілі да арышту завочна

2017 2017-08-04T11:58:00+0300 2017-08-04T12:06:00+0300 be https://spring96.org/files/images/sources/prakapovich-pavel-valozyn.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Павел Пракаповіч

Павел Пракаповіч

Суд Цэнтральнага раёна Мінска вынес пастанову аб пакаранні адміністратыўным арыштам каардынатара БХД па Мінскай вобласці Паўла Пракаповіча. І хаця працэс адбыўся яшчэ 1 жніўня, пра яго стала вядома толькі зараз, паколькі сам актывіст у гэты час быў у ад’ездзе, а суд прайшоў без яго ўдзелу.

Праваабаронцам вядома, што Пракаповіча абвінавацілі ва ўдзеле ў акцыі пратэсту, якая адбылася 7 ліпеня ў Мінску. У той дзень каля паўтара дзесятка актывістаў апазіцыі вышлі на Кастрычніцкую плошчу на акцыю супраць сумесных з Расіяй вучэнняў «Захад-2017» і ваеннага саюза з РФ, а таксама ў падтрымку беларусаў, якія пацярпелі па палітычных матывах.

Суддзя Цэнтральнага раёна Іван Касцян вынес пастанову аб пакаранні арыштам на 10 сутак па артыкуле 23.34 КаАП (удзел у несанкцыянаваным масавым мерапрыемстве).

Павел Пракаповіч мяркуе, што яго зараз на “суткі” забіраць” не будуць, гэтак жа як і іншых актывістаў – Леаніда Кулакова і Вольгу Нікалайчык, якім нядаўна суды вынеслі арышт.

"Улады прыберагуць гэтае пакаранне да таго часу, калі тэрмінова спатрэбіцца нас ізаляваць", - кажа Пракаповіч.

Апошнія навіны

Партнёрства

Сяброўства