Салігорск: Уладзімір Шыла абскарджвае ў судзе забарону мітынгу да Усенароднага сходу

2016 2016-07-05T14:44:36+0300 2016-07-07T22:21:37+0300 be https://spring96.org/files/images/sources/shyla_uladzimir-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Грамадскі актывіст з Салігорска Уладзімір Шыла

Грамадскі актывіст з Салігорска Уладзімір Шыла

Мясцовы актывіст БХД Уладзімір Шыла накіраваў у суд Салігорскага раёна скаргу на забарону гарадскімі ўладамі мітынгу, на якім планавалася сфармуляваць “наказы” удзельнікам так званага Усенароднага сходу.

“У адказе Салігорскага выканаўчага камітэту адсутнічаюць законныя довады, аргументы і доказы аб неабходнасці забароны мерапрыемства. Адказ Салігорскага выканаўчага камітэта з’яўляецца не матываваным, а довад аб рабоце спартыўна-аздараўленчага лагера на базе ДУ "СДЮШАР №1 г. Салігорска" на стадыёне "Будаўнік" (адзіным месцы ў Салігорску для правядзення мітынгаў) у перыяд з 6 чэрвеня 2016 года па 25 чэрвеня 2016 года непераканаўчым,” - гаворыца ў скарзе дэмакратычнага актывіста.

Уладзімір Шыла апелюе да Канстытуцыі Беларусі, якая гарантуе грамадзянам свабоду меркаванняў, перакананняў і іх свабоднае выказванне, таксама як і свабоду сходаў, мітынгаў, вулічных шэсцяў, дэманстрацый і пікетавання. У сваёй скарзе актывіст БХД нагадвае суду аб узятых на сябе дзяржавай абавязацельствах па выкананні патрабаванняў Міжнароднага пакта аб грамадзянскіх і палітычных правах у частцы абароны права на мірныя сходы і свабоднае выказванне свайго меркавання.

Актывіст патрабуе адмены незаконнага рашэння Салігорскага райвыканкаму і прызначэння новай узгодненай даты правядзення мітынгу.

Апошнія навіны

Партнёрства

Сяброўства