Пікет у падтрымку палітвязняў насупраць КДБ

Сёння, у Міжнародны дзень салідарнасці з грамадзянскай супольнасцю Беларусі, у атачэнні міліцэйскай эліты і кадэбоўскіх відэааператараў у цэнтры Менска насупраць будынку КДБ прайшоў пікет салідарнасці з палітвязнямі з патрабаваннем іх вызвалення, а таксама памяці выкрадзеных апанентаў рэжыму: Юрыя Захаранкі, Віктара Ганчара, Анатоля Красоўскага , Дзмітрыя Завадскага.

Пікет быў ініцыянаваны Аб'яднанай грамадзянскай партыяй, аднак апрача сябраў АГП удзел у ім узялі прадстаўнікі іншых грамадскіх рухаў, творчыя асобы, вядомыя праваабаронцы: Уладзімір Някляеў, Таццяна Равяка, Віктар Карнеенка, актывісты, якія трымалі ў руках партрэты зніклых палітыкаў. Старшыня партыі АГП Анатоль Лябедзька праз мегафон заклікаў улады вызваліць палітвязняў.
За пікетам пільна сачылі прадстаўнікі сталічнай міліцыі, вяліся аператыўныя відэаздымкі. Аднак акцыя прайшла без затрыманняў.