Павел Севярынец прэзентаваў «Беларускую глыбіню» у Мазыры
Павел Севярынец. Фота baj.by
13 верасня ў Мазыры пры ўдзеле і падтрымцы рэгіянальнага аддзялення Праваабарончага цэнтра «Вясна» адбылася сустрэча мясцовых грамадскіх актывістаў з былым палітвязнем, адным з лідэраў беларускіх хрысціянскіх дэмакратаў Паўлам Севярынцам. Як паведаміў мазырскі праваабаронца Уладзімір Целяпун, палітык прэзентаваў сваю кнігу «Беларуская глыбіня», напісаную ім пры адбыцці пакарання на «хіміі» у вёсцы Куплін Пружанскага раёна.
На сустрэчы былі абмеркаваныя пытанні правядзення сацыяльных, інфармацыйных кампаній па абароне грамадскіх інтарэсаў грамадзян, узаемадзеянне паміж актывістамі розных партыяў, рухаў і грамадскіх арганізацый падчас гэтых кампаній. Адбыўся абмен досведам па актывізацыі працы з насельніцтвам рэгіёна.
